Фота БУТБ
2 снежня, Мінск /Кар. БЕЛТА/. Беларуская ўніверсальная таварная біржа можа стаць адным з элементаў комплекснай сістэмы падтрымкі знешнегандлёвай дзейнасці суб'ектаў малога і сярэдняга прадпрымальніцтва Цюменскай вобласці. Аб гэтым беларускі і расійскі бакі дамовіліся па выніках Цюменскага экспартнага форуму, у рамках якога БУТБ прадставіла свае лічбавыя інструменты і сэрвісы, што спрашчаюць рэалізацыю і закупку тавараў за мяжой, паведамілі БЕЛТА ў прэс-службе біржы.
Забяспечыць магчымасць выкарыстання электроннай інфраструктуры БУТБ цюменскім бізнесам плануецца ў супрацоўніцтве з рэгіянальнай гандлёва-прамысловай палатай і цэнтрам падтрымкі экспарту. З улікам значнасці ўмацавання рэгіянальнага ўзаемадзеяння плануецца, што сумесныя намаганні партнёраў будуць накіраваны на развіццё біржавога гандлю не толькі паміж Беларуссю і Цюменскай вобласцю, але і з Уральскай федэральнай акругай у цэлым.
"З шасці рэгіёнаў, якія ўваходзяць у склад Уральскай федэральнай акругі, біржавыя здзелкі ў бягучым годзе заключалі толькі кампаніі з Курганскай, Свярдлоўскай і Чэлябінскай абласцей. Адпаведна, рэзервы для актывізацыі супрацоўніцтва каласальныя, - пракаменціравалі ў прэс-службе БУТБ. - Цюменская вобласць цікава перш за ўсё як пастаўшчык зернебабовых культур для беларускіх прадпрыемстваў алейна-тлушчавай галіны, таму гэтаму напрамку будзе ўдзелена асаблівая ўвага".
З пункту гледжання экспарту з Беларусі найбольшы інтарэс таксама ўяўляе прадукцыя аграпрамысловага комплексу. Напрыклад, цюменскія гандлёвыя арганізацыі гатовы набываць на біржавой пляцоўцы розныя харчовыя тавары і тэкстыль, у той час як для сельгасвытворцаў актуальнай з'яўляецца закупка запчастак і камплектуючых для сельскагаспадарчай тэхнікі.
Задачай нумар адзін, дадалі ў БУТБ, застаецца ўключэнне цюменскага бізнесу ў біржавы гандаль з Беларуссю. Менавіта ў гэтым пытанні біржа разлічвае на садзейнічанне з боку гандлёва-прамысловай палаты і цэнтра падтрымкі экспарту.
Па выніках 10 месяцаў гэтага года, сума здзелак, заключаных на БУТБ кампаніямі Уральскай федэральнай акругі, вырасла ў 1,5 раза. З Беларусі праз біржу імпартаваўся лом чорных і каляровых металаў, абразныя піламатэрыялы хвойных парод і мясапрадукты з ялавічыны, на беларускі рынак пастаўляўся чорны і каляровы металапракат, ферасплавы, кокс і запчасткі для сістэм водазабеспячэння.-0-
Забяспечыць магчымасць выкарыстання электроннай інфраструктуры БУТБ цюменскім бізнесам плануецца ў супрацоўніцтве з рэгіянальнай гандлёва-прамысловай палатай і цэнтрам падтрымкі экспарту. З улікам значнасці ўмацавання рэгіянальнага ўзаемадзеяння плануецца, што сумесныя намаганні партнёраў будуць накіраваны на развіццё біржавога гандлю не толькі паміж Беларуссю і Цюменскай вобласцю, але і з Уральскай федэральнай акругай у цэлым.
"З шасці рэгіёнаў, якія ўваходзяць у склад Уральскай федэральнай акругі, біржавыя здзелкі ў бягучым годзе заключалі толькі кампаніі з Курганскай, Свярдлоўскай і Чэлябінскай абласцей. Адпаведна, рэзервы для актывізацыі супрацоўніцтва каласальныя, - пракаменціравалі ў прэс-службе БУТБ. - Цюменская вобласць цікава перш за ўсё як пастаўшчык зернебабовых культур для беларускіх прадпрыемстваў алейна-тлушчавай галіны, таму гэтаму напрамку будзе ўдзелена асаблівая ўвага".
З пункту гледжання экспарту з Беларусі найбольшы інтарэс таксама ўяўляе прадукцыя аграпрамысловага комплексу. Напрыклад, цюменскія гандлёвыя арганізацыі гатовы набываць на біржавой пляцоўцы розныя харчовыя тавары і тэкстыль, у той час як для сельгасвытворцаў актуальнай з'яўляецца закупка запчастак і камплектуючых для сельскагаспадарчай тэхнікі.
Задачай нумар адзін, дадалі ў БУТБ, застаецца ўключэнне цюменскага бізнесу ў біржавы гандаль з Беларуссю. Менавіта ў гэтым пытанні біржа разлічвае на садзейнічанне з боку гандлёва-прамысловай палаты і цэнтра падтрымкі экспарту.
Па выніках 10 месяцаў гэтага года, сума здзелак, заключаных на БУТБ кампаніямі Уральскай федэральнай акругі, вырасла ў 1,5 раза. З Беларусі праз біржу імпартаваўся лом чорных і каляровых металаў, абразныя піламатэрыялы хвойных парод і мясапрадукты з ялавічыны, на беларускі рынак пастаўляўся чорны і каляровы металапракат, ферасплавы, кокс і запчасткі для сістэм водазабеспячэння.-0-
Падпісвайцеся на нас у
