26 лютага, Мінск /Кар. БЕЛТА/. Беларуская ўніверсальная таварная біржа мае намер садзейнічаць экспарту беларускай лесапрадукцыі ў Германію, паведаміў карэспандэнту БЕЛТА прэс-сакратар БУТБ Раман Яніў.
"На пасяджэнні беларуска-германскай рабочай групы па гандлі і інвестыцыях у Лейпцыгу абмяркоўваліся перспектывы павелічэння паставак піламатэрыялаў і іншай прадукцыі беларускага лесапрамысловага комплексу ў Германію з прыцягненнем механізма біржавых таргоў. Плануецца актывізаваць прыцягненне на гандлёвыя пляцоўкі Беларускай універсальнай таварнай біржы не толькі буйных германскіх кампаній, але і малога і сярэдняга бізнесу. Гэта будзе садзейнічаць фарміраванню максімальна канкурэнтнага асяроддзя", - расказаў Раман Яніў.
Цяпер на БУТБ акрэдытаваны 92 субъекты гаспадарання з Германіі. Сума здзелак, праведзеных імі ў 2019 годзе, склала амаль Br60 млн. Пры гэтым па закупках лесаматэрыялаў на біржавых таргах Германія займае другое месца пасля лідара рэйтынгу - Літвы. Разам з тым неабходна пашыраць наменклатуру тавараў, што закупляюцца нямецкімі суб'ектамі гаспадарання праз біржу.
Урад Германіі праводзіць палітыку па пераходзе на аднаўляльныя крыніцы энергіі. У сувязі з гэтым прапрацоўваецца пытанне выкарыстання біржавай пляцоўкі для арганізацыі рэгулярных паставак у гэту краіну беларускіх паліўных гранул, пелет і шчэпак. "Гэта асабліва актуальна ў святле маючага адбыцца адкрыцця ў Беларусі шасці новых пелетных заводаў, якія змогуць праз біржавыя таргі рэалізоўваць сваю прадукцыю на рынак Германіі і іншых краін Еўрасаюза. БУТБ выказала гатоўнасць садзейнічаць у пошуку пакупнікоў, у тым ліку з прыцягненнем акрэдытаваных у Германіі біржавых брокераў", - адзначыў прэс-сакратар.-0-
