Фота з архіва
25 сакавіка, Мінск /Кар. БЕЛТА/. Беларуская ўніверсальная таварная біржа (БУТБ) плануе пашыраць супрацоўніцтва з сербскім бізнесам, у тым ліку ў фармаце брокерства. Аб гэтым расказаў начальнік упраўлення знешнеэканамічнай дзейнасці БУТБ Аляксандр Башлій у час біржавога семінара, які прайшоў 25 сакавіка ў Бялградзе пры падтрымцы пасольства Беларусі ў Сербіі, паведамілі БЕЛТА ў прэс-службе біржы.
У мерапрыемстве прынялі ўдзел сербскія кампаніі, якія разглядаюць магчымасць выкарыстання біржавога механізма для заключэння экспартна-імпартных здзелак з беларускімі прадпрыемствамі.
На думку Аляксандра Башлія, акрэдытацыя ў Сербіі брокерскай кампаніі, якая будзе прадстаўляць інтарэсы БУТБ і аказваць садзейнічанне ў прыцягненні дзелавых колаў гэтай краіны на беларускую біржавую пляцоўку, дасць магчымасць вывесці біржавы гандаль з гэтай краінай на якасна новы ўзровень.
"Сербія - ключавы гандлёва-эканамічны партнёр Беларусі на Балканах, і гэтым абумоўлена пільная ўвага да пытанняў развіцця супрацоўніцтва паміж нашымі краінамі, уключаючы сферу біржавога гандлю. За мінулы год біржавы тавараабарот Беларусі і Сербіі павялічыўся ў 37 разоў, а па выніках першых двух месяцаў бягучага года - у 10 разоў. Аднак, нягледзячы на значныя тэмпы росту аб'ёмаў біржавых здзелак, ступень уключанасці сербскага бізнесу ў гандаль на платформе БУТБ неабходна павышаць. Эфектыўна вырашыць гэту задачу можна было б шляхам акрэдытацыі ў Сербіі біржавога брокера, які будзе не толькі дапамагаць сербскім суб'ектам гаспадарання ўдзельнічаць у таргах, але і возьме на сябе правядзенне плацяжоў і арганізацыю лагістыкі", - адзначыў Аляксандр Башлій.
Акрамя таго, паводле яго слоў, наяўнасць лакальнага брокера істотна спросціць выхад сербскіх кампаній на біржавы таварны рынак Беларусі, а таксама дазволіць дыверсіфікаваць структуру тавараабароту.
"Пакуль у нас акрэдытаваны толькі восем рэзідэнтаў Сербіі, што аб'ектыўна недастаткова для дасягнення больш высокіх паказчыкаў узаемнага гандлю. Праз брокера сербскія кампаніі змогуць хутчэй пачаць работу на біржавой пляцоўцы, паколькі ім не трэба будзе траціць час на афармленне дакументаў, навучанне і іншыя падрыхтоўчыя мерапрыемствы. Усё гэта зробіць прафесійны ўдзельнік рынку", - падкрэсліў Аляксандр Башлій.
Па стане на 25 сакавіка 2025 года на БУТБ былі акрэдытаваны 54 брокерскія кампаніі, у тым ліку 21 нерэзідэнт з 10 краін.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
У мерапрыемстве прынялі ўдзел сербскія кампаніі, якія разглядаюць магчымасць выкарыстання біржавога механізма для заключэння экспартна-імпартных здзелак з беларускімі прадпрыемствамі.
На думку Аляксандра Башлія, акрэдытацыя ў Сербіі брокерскай кампаніі, якая будзе прадстаўляць інтарэсы БУТБ і аказваць садзейнічанне ў прыцягненні дзелавых колаў гэтай краіны на беларускую біржавую пляцоўку, дасць магчымасць вывесці біржавы гандаль з гэтай краінай на якасна новы ўзровень.
"Сербія - ключавы гандлёва-эканамічны партнёр Беларусі на Балканах, і гэтым абумоўлена пільная ўвага да пытанняў развіцця супрацоўніцтва паміж нашымі краінамі, уключаючы сферу біржавога гандлю. За мінулы год біржавы тавараабарот Беларусі і Сербіі павялічыўся ў 37 разоў, а па выніках першых двух месяцаў бягучага года - у 10 разоў. Аднак, нягледзячы на значныя тэмпы росту аб'ёмаў біржавых здзелак, ступень уключанасці сербскага бізнесу ў гандаль на платформе БУТБ неабходна павышаць. Эфектыўна вырашыць гэту задачу можна было б шляхам акрэдытацыі ў Сербіі біржавога брокера, які будзе не толькі дапамагаць сербскім суб'ектам гаспадарання ўдзельнічаць у таргах, але і возьме на сябе правядзенне плацяжоў і арганізацыю лагістыкі", - адзначыў Аляксандр Башлій.
Акрамя таго, паводле яго слоў, наяўнасць лакальнага брокера істотна спросціць выхад сербскіх кампаній на біржавы таварны рынак Беларусі, а таксама дазволіць дыверсіфікаваць структуру тавараабароту.
"Пакуль у нас акрэдытаваны толькі восем рэзідэнтаў Сербіі, што аб'ектыўна недастаткова для дасягнення больш высокіх паказчыкаў узаемнага гандлю. Праз брокера сербскія кампаніі змогуць хутчэй пачаць работу на біржавой пляцоўцы, паколькі ім не трэба будзе траціць час на афармленне дакументаў, навучанне і іншыя падрыхтоўчыя мерапрыемствы. Усё гэта зробіць прафесійны ўдзельнік рынку", - падкрэсліў Аляксандр Башлій.
Па стане на 25 сакавіка 2025 года на БУТБ былі акрэдытаваны 54 брокерскія кампаніі, у тым ліку 21 нерэзідэнт з 10 краін.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
