ДЗЯРЖОРГАНЫДЗЯРЖОРГАНЫ
Флаг Панядзелак, 21 чэрвеня 2021
Мінск Воблачна з праясненнямі +24°C
Усе навіны
Усе навіны
Эканоміка
10 чэрвеня 2021, 12:46

БУТБ і Санкт-Пецярбургская гандлёва-прамысловая палата дамовіліся аб супрацоўніцтве

Фота з архіва
Фота з архіва

10 чэрвеня, Мінск /Кар. БЕЛТА/. Беларуская ўніверсальная таварная біржа (БУТБ) і Санкт-Пецярбургская гандлёва-прамысловая палата (СПб ГПП) плануюць аб'яднаць намаганні па развіцці ўзаемнага гандлю Беларусі з Санкт-Пецярбургам і Ленінградскай вобласцю Расіі. Такая дамоўленасць дасягнута па выніках візіту рабочай групы БУТБ у Санкт-Пецярбург для правядзення на базе СПб ГПП прэзентацыі магчымасцей беларускай біржавой пляцоўкі для прадстаўнікоў расійскага бізнесу, паведамілі БЕЛТА ў прэс-службе біржы.

Акрамя таго, бакі маюць намер арганізоўваць сумесныя семінары, дзелавыя форумы, прэзентацыі і іншыя інфармацыйна-практычныя мерапрыемствы, накіраваныя на папулярызацыю біржавых інструментаў і пашырэнне іх прымянення ва ўзаемным гандлі Беларусі і Санкт-Пецярбурга. У сувязі з гэтым СПб ГПП выказала гатоўнасць аказваць садзейнічанне БУТБ у прыцягненні на біржавыя таргі пецярбургскіх кампаній, у першую чаргу з ліку членаў палаты.

"Беларусь традыцыйна з'яўляецца адным з асноўных гандлёва-эканамічных партнёраў Санкт-Пецярбурга. У 2020 годзе наш узаемны тавараабарот наблізіўся да $2 млрд, і гэта нягледзячы на негатыўныя наступствы пандэміі. Упэўнена, што ў бягучым годзе на фоне аднаўлення дзелавой актыўнасці нам без цяжкасці ўдасца дасягнуць яшчэ больш высокіх вынікаў, у тым ліку дзякуючы росту біржавога сегмента. Таму мы гатовы інфармаваць членаў палаты аб магчымасцях, прапанаваных беларускай біржай, і рэкамендаваць гэту пляцоўку як эфектыўны спосаб выхаду на рынак Беларусі", - адзначыла віцэ-прэзідэнт СПб ГПП Кацярына Лебедзева падчас перагавораў.

У семінары БУТБ для дзелавых колаў Санкт-Пецярбурга прынялі ўдзел кіраўнікі 30 кампаній, якія прадстаўляюць розныя галіны эканомікі, уключаючы вытворчасць металапракату і электратэхнічнай прадукцыі, машынабудаванне, аптовы гандаль сельгаспрадукцыяй, пастаўкі абсталявання для чыгункі і прадпрыемстваў АПК. Згодна з дамоўленасцямі паміж БУТБ і СПб ГПП, у перспектыве такія мерапрыемствы будуць праводзіцца на рэгулярнай аснове.

Санкт-Пецярбургская гандлёва-прамысловая палата - старэйшае ў Расіі нацыянальнае бізнес-аб'яднанне. СПб ГПП прадстаўляе інтарэсы малога, сярэдняга і буйнога бізнесу, ахопліваючы сваёй дзейнасцю ўсе сферы прадпрымальніцтва - ад прамысловасці і сельскай гаспадаркі да фінансавых паслуг і знешняга гандлю. СПб ГПП таксама садзейнічае развіццю эканомікі Санкт-Пецярбурга, яго інтэграцыі ў расійскую і сусветную гаспадарчую сістэму, стварэння спрыяльных умоў для паспяховай прадпрымальніцкай дзейнасці.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі