Фота з архіва
4 чэрвеня, Мінск /Кар. БЕЛТА/. Беларуская ўніверсальная таварная біржа і муніцыпальнае гандлёвае бюро Шэньяна, адміністрацыйнага цэнтра кітайскай правінцыі Ляанін, на працягу 2024 года маюць намер актывізаваць двухбаковае супрацоўніцтва, напоўніўшы яго канкрэтнымі праектамі і практычнымі вынікамі. Аб гэтым паведамілі БЕЛТА ў прэс-службе БУТБ.
Адпаведная дамоўленасць дасягнута па выніках візіту ў цэнтральны офіс БУТБ дэлегацыі прадстаўнікоў органаў улады Шэньяна на чале з віцэ-мэрам муніцыпальнага народнага ўрада спадарыняй Чжэн Бінь. Зыходзячы са значнага вытворчага патэнцыялу і шырокіх транспартна-лагістычных магчымасцей Шэньяна, у пералік прыярытэтных пытанняў для дэталёвай прапрацоўкі ўключаны такія, як экспарт беларускіх піламатэрыялаў, цэлюлозы, малочнай прадукцыі і алею ў правінцыю Ляанін, а таксама імпарт у Беларусь рысавых круп, вырабаў з чорных і каляровых металаў, запчастак для сельгастэхнікі і абсталявання.
У якасці першага кроку па рэалізацыі абазначаных напрамкаў узаемадзеяння плануецца забяспечыць прысутнасць шэньянскіх кампаній на беларускай біржавой пляцоўцы.
На думку старшыні праўлення БУТБ Аляксандра Асмалоўскага, гэта абавязковая ўмова, якая паслужыць зыходным пунктам для далейшай сумеснай дзейнасці ў галіне электроннага біржавога гандлю.
"Мы гарантуем спрошчаную працэдуру акрэдытацыі і безбар'ерны доступ на рынак Беларусі любой кампаніі з Шэньяна. Усе дакументы будуць разгледжаны максімальна аператыўна, і праз некалькі дзён ужо можна будзе ўдзельнічаць у таргах. Пры гэтым для многіх рэзідэнтаў КНР, уключаючы буйных імпарцёраў і экспарцёраў, біржавая платформа становіцца першай і адзінай кропкай кантакту з беларускімі прадпрыемствамі, г.зн. для вядзення бізнесу ў Беларусі ім цалкам дастаткова таго комплексу паслуг, які яны атрымліваюць на нашай пляцоўцы", - заявіў Аляксандр Асмалоўскі.
У сувязі з гэтым кіраўнік кітайскай дэлегацыі спадарыня Чжэн Бінь выказала гатоўнасць пасадзейнічаць прыцягненню шэньянскіх дзелавых колаў на беларускую біржу, а таксама выступіла з сустрэчнай прапановай аб рэгістрацыі БУТБ у якасці рэзідэнта Кітайска-расійскага індустрыяльнага парка, які дзейнічае на тэрыторыі горада. Паводле слоў віцэ-мэра муніцыпальнага народнага ўрада Шэньяна, выкарыстоўваючы інфраструктуру і электронныя сэрвісы парка, БУТБ зможа наладзіць біржавы гандаль з усёй паўночна-ўсходняй часткай Кітая, а ў перспектыве выйсці і ў суседнія рэгіёны.
"Мы афіцыйна запрашаем вас у Шэньян як нашага асноўнага партнёра ў Беларусі. З улікам тэм, закранутых у час сённяшніх перагавораў, у нас вельмі шмат агульных інтарэсаў, кожны з якіх здольны вырасці ў паспяховы сумесны праект. Таму мы шчыра зацікаўлены ў развіцці і ўмацаванні супрацоўніцтва", - падкрэсліла спадарыня Чжэн Бінь.
Па стане на 1 чэрвеня 2024 года на БУТБ былі акрэдытаваны 193 рэзідэнты КНР, у тым ліку чатыры біржавыя брокеры. Агульная сума здзелак, заключаных кітайскімі ўдзельнікамі біржавых таргоў у студзені - маі бягучага года, склала $78,3 млн, што ў чатыры разы больш, чым за аналагічны перыяд 2023 года.-0-
Адпаведная дамоўленасць дасягнута па выніках візіту ў цэнтральны офіс БУТБ дэлегацыі прадстаўнікоў органаў улады Шэньяна на чале з віцэ-мэрам муніцыпальнага народнага ўрада спадарыняй Чжэн Бінь. Зыходзячы са значнага вытворчага патэнцыялу і шырокіх транспартна-лагістычных магчымасцей Шэньяна, у пералік прыярытэтных пытанняў для дэталёвай прапрацоўкі ўключаны такія, як экспарт беларускіх піламатэрыялаў, цэлюлозы, малочнай прадукцыі і алею ў правінцыю Ляанін, а таксама імпарт у Беларусь рысавых круп, вырабаў з чорных і каляровых металаў, запчастак для сельгастэхнікі і абсталявання.
У якасці першага кроку па рэалізацыі абазначаных напрамкаў узаемадзеяння плануецца забяспечыць прысутнасць шэньянскіх кампаній на беларускай біржавой пляцоўцы.
На думку старшыні праўлення БУТБ Аляксандра Асмалоўскага, гэта абавязковая ўмова, якая паслужыць зыходным пунктам для далейшай сумеснай дзейнасці ў галіне электроннага біржавога гандлю.
"Мы гарантуем спрошчаную працэдуру акрэдытацыі і безбар'ерны доступ на рынак Беларусі любой кампаніі з Шэньяна. Усе дакументы будуць разгледжаны максімальна аператыўна, і праз некалькі дзён ужо можна будзе ўдзельнічаць у таргах. Пры гэтым для многіх рэзідэнтаў КНР, уключаючы буйных імпарцёраў і экспарцёраў, біржавая платформа становіцца першай і адзінай кропкай кантакту з беларускімі прадпрыемствамі, г.зн. для вядзення бізнесу ў Беларусі ім цалкам дастаткова таго комплексу паслуг, які яны атрымліваюць на нашай пляцоўцы", - заявіў Аляксандр Асмалоўскі.
У сувязі з гэтым кіраўнік кітайскай дэлегацыі спадарыня Чжэн Бінь выказала гатоўнасць пасадзейнічаць прыцягненню шэньянскіх дзелавых колаў на беларускую біржу, а таксама выступіла з сустрэчнай прапановай аб рэгістрацыі БУТБ у якасці рэзідэнта Кітайска-расійскага індустрыяльнага парка, які дзейнічае на тэрыторыі горада. Паводле слоў віцэ-мэра муніцыпальнага народнага ўрада Шэньяна, выкарыстоўваючы інфраструктуру і электронныя сэрвісы парка, БУТБ зможа наладзіць біржавы гандаль з усёй паўночна-ўсходняй часткай Кітая, а ў перспектыве выйсці і ў суседнія рэгіёны.
"Мы афіцыйна запрашаем вас у Шэньян як нашага асноўнага партнёра ў Беларусі. З улікам тэм, закранутых у час сённяшніх перагавораў, у нас вельмі шмат агульных інтарэсаў, кожны з якіх здольны вырасці ў паспяховы сумесны праект. Таму мы шчыра зацікаўлены ў развіцці і ўмацаванні супрацоўніцтва", - падкрэсліла спадарыня Чжэн Бінь.
Па стане на 1 чэрвеня 2024 года на БУТБ былі акрэдытаваны 193 рэзідэнты КНР, у тым ліку чатыры біржавыя брокеры. Агульная сума здзелак, заключаных кітайскімі ўдзельнікамі біржавых таргоў у студзені - маі бягучага года, склала $78,3 млн, што ў чатыры разы больш, чым за аналагічны перыяд 2023 года.-0-
Падпісвайцеся на нас у
