ДЗЯРЖОРГАНЫДЗЯРЖОРГАНЫ
Флаг Серада, 8 снежня 2021
Мінск Малавоблачна -13°C
Усе навіны
Усе навіны
Эканоміка
25 лістапада 2021, 15:23

БУТБ і індустрыяльны парк "АўтаВАЗ" дамовіліся аб супрацоўніцтве

Фота з архіва
Фота з архіва

25 лістапада, Мінск /Кар. БЕЛТА/. Дамоўленасць аб супрацоўніцтве ў сферы біржавога гандлю таварамі прамысловага і спажывецкага прызначэння дасягнута па выніках сустрэчы дэлегацыі Беларускай універсальнай таварнай біржы з прадстаўнікамі адміністрацыі індустрыяльнага парка "АўтаВАЗ" у Тальяці, паведамілі БЕЛТА ў прэс-службе БУТБ.

Акрамя сумеснага інфармавання мясцовых дзелавых колаў аб магчымасцях прымянення біржавой пляцоўкі ў гандлёва-закупачнай дзейнасці, бакі плануюць забяспечыць удзел рэзідэнтаў індустрыяльнага парка ў біржавых таргах на электроннай B2B-платформе БУТБ.

Як адзначыла намеснік дырэктара індустрыяльнага парка "АўтаВАЗ" Алена Каткова, большасць рэзідэнтаў парка спецыялізуецца на выпуску экспартна арыентаванай прадукцыі, а дзякуючы беларускай біржавой пляцоўцы яны змогуць не толькі знайсці контрагентаў у Беларусі, але і выйсці на рынкі трэціх краін.

"Адна з ключавых задач нашага парка - садзейнічаць эканамічнаму развіццю Тальяці і Самарскай вобласці ў цэлым, забяспечваючы максімальна спрыяльныя ўмовы для дзейнасці прадпрыемстваў-рэзідэнтаў. Паколькі многія з іх пастаўляюць сваю прадукцыю за мяжу, ім будзе цікава скарыстацца біржавой пляцоўкай для дыверсіфікацыі рынкаў збыту, а магчыма, і для закупкі тавараў, якія вырабляюцца ў Беларусі. Да таго ж ваша гандлёвая платформа дае магчымасць мінімізаваць рызыку невыканання здзелак, што паслужыць дадатковым аргументам на карысць прымянення біржавога механізма. У сувязі з гэтым мы гатовы рэкамендаваць біржу нашым рэзідэнтам як перспектыўны інструмент па нарошчванні экспартных продажаў і выхадзе на новыя рынкі", - заявіла Алена Каткова.

У сваю чаргу прадстаўнікі БУТБ праінфармавалі адміністрацыю індустрыяльнага парка "АўтаВАЗ" аб вопыце біржы ў сферы транзітнага гандлю таварамі расійскай вытворчасці. У прыватнасці, у бягучым годзе кампаніі з Расійскай Федэрацыі актыўна заключалі транзітныя здзелкі па рэалізацыі тэхналагічнага абсталявання, запчастак, нафтахімічнай прадукцыі і будматэрыялаў, прычым у большасці выпадкаў выкарыстоўвалася менавіта біржавая B2B-пляцоўка.

ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаюцца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі