Фота БУТБ
23 жніўня, Мінск /Кар. БЕЛТА/. Беларуская ўніверсальная таварная біржа і Фонд падтрымкі знешнеэканамічнай дзейнасці Маскоўскай вобласці маюць намер падпісаць пагадненне аб супрацоўніцтве. Такое рашэнне прынята па выніках правядзення семінара, арганізаванага БУТБ сумесна з гэтым фондам, паведамілі БЕЛТА ў прэс-службе БУТБ.
Мерапрыемства праводзілася ў вочным і анлайн-фармаце і сабрала прадстаўнікоў 30 кампаній са сфер металагандлю, аграпрамысловага комплексу і прадукцыі прамыслова-спажывецкага прызначэння, зацікаўленых у выкарыстанні электронных механізмаў гандлю пры рэалізацыі і закупках розных тавараў на рынках Беларусі і замежных краін.
Расія цяпер з'яўляецца ключавым знешнеэканамічным напрамкам БУТБ. У сваю чаргу суб'екты прадпрымальніцтва з Масквы і Маскоўскай вобласці займаюць першае месца сярод усіх расійскіх рэгіёнаў па біржавым тавараабароце. Так, за студзень - ліпень 2024 года сукупны аб'ём заключаных здзелак склаў $233,9 млн, што больш як у тры разы пераўзыходзіць паказчык усяго 2023 года, а ў параўнанні з 2022-м перавышае амаль у 24 разы.
З пачатку бягучага года на біржы акрэдытаваліся звыш 80 новых кампаній з рэгіёна, і цяпер агульная колькасць маскоўскіх удзельнікаў таргоў набліжаецца да 1050. У Беларусі закупляюцца малочныя і мясныя прадукты, кармавыя дабаўкі і гарбарная сыравіна, будаўнічыя блокі і металалом, паліўныя брыкеты і гранулы. З Маскоўскай вобласці імпартуюцца металавырабы, ветпрэпараты, сродкі аховы раслін і збожжавыя, тэхнічнае масла і палімеры.
Актывізацыя прысутнасці расійскіх прадпрыемстваў на беларускай біржы абумоўлена новымі інструментамі і маркетынгавымі магчымасцямі, якія прадастаўляюць электронныя пляцоўкі БУТБ. У прыватнасці, асаблівай увагай карыстаецца функцыянуючая ў рамках праграмнага комплексу "Біржавыя таргі прамысловымі і спажывецкімі таварамі" платформа імпартазамяшчэння, якая дапамагае ажыццяўляць закупку і рэалізацыю аналагаў тавараў крытычнага імпарту ва ўмовах санкцыйных абмежаванняў.
Акрамя таго, маскоўскія кампаніі выступаюць асноўнымі контрагентамі ў транзітных здзелках, заключаных паміж нерэзідэнтамі Беларусі. Такі біржавы механізм, па-першае, дае магчымасць наладзіць гандаль з суб'ектамі гаспадарання з аддаленых рэгіёнаў Расіі (напрыклад, мэбляй, таварамі штодзённага попыту і інш.), а па-другое, значна спрашчае выхад на рынкі трэціх краін, у прыватнасці Кітая. Аб перспектывах узаемадзеяння ў гэтым напрамку і магчымасцях пабудовы кааперацыйных ланцужкоў продажаў Беларусь-Расія-Кітай расказаў кіраўнік прадстаўніцтва БУТБ у Шанхаі Аляксей Дыкуша. У выніку адзін з удзельнікаў семінара праявіў інтарэс да заключэння транзітных здзелак па закупцы ў КНР крэмнію металічнага.
Пагадненне аб супрацоўніцтве Беларускай універсальнай таварнай біржы і Фонду падтрымкі знешнеэканамічнай дзейнасці Маскоўскай вобласці плануецца падпісаць у бліжэйшыя месяцы. Яго рэалізацыя дапаможа нарасціць аб'ёмы тавараабароту і пашырыць рынкі збыту беларускай і расійскай прадукцыі за кошт уключэння ў біржавы гандаль новых удзельнікаў.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Мерапрыемства праводзілася ў вочным і анлайн-фармаце і сабрала прадстаўнікоў 30 кампаній са сфер металагандлю, аграпрамысловага комплексу і прадукцыі прамыслова-спажывецкага прызначэння, зацікаўленых у выкарыстанні электронных механізмаў гандлю пры рэалізацыі і закупках розных тавараў на рынках Беларусі і замежных краін.
Расія цяпер з'яўляецца ключавым знешнеэканамічным напрамкам БУТБ. У сваю чаргу суб'екты прадпрымальніцтва з Масквы і Маскоўскай вобласці займаюць першае месца сярод усіх расійскіх рэгіёнаў па біржавым тавараабароце. Так, за студзень - ліпень 2024 года сукупны аб'ём заключаных здзелак склаў $233,9 млн, што больш як у тры разы пераўзыходзіць паказчык усяго 2023 года, а ў параўнанні з 2022-м перавышае амаль у 24 разы.
З пачатку бягучага года на біржы акрэдытаваліся звыш 80 новых кампаній з рэгіёна, і цяпер агульная колькасць маскоўскіх удзельнікаў таргоў набліжаецца да 1050. У Беларусі закупляюцца малочныя і мясныя прадукты, кармавыя дабаўкі і гарбарная сыравіна, будаўнічыя блокі і металалом, паліўныя брыкеты і гранулы. З Маскоўскай вобласці імпартуюцца металавырабы, ветпрэпараты, сродкі аховы раслін і збожжавыя, тэхнічнае масла і палімеры.
Актывізацыя прысутнасці расійскіх прадпрыемстваў на беларускай біржы абумоўлена новымі інструментамі і маркетынгавымі магчымасцямі, якія прадастаўляюць электронныя пляцоўкі БУТБ. У прыватнасці, асаблівай увагай карыстаецца функцыянуючая ў рамках праграмнага комплексу "Біржавыя таргі прамысловымі і спажывецкімі таварамі" платформа імпартазамяшчэння, якая дапамагае ажыццяўляць закупку і рэалізацыю аналагаў тавараў крытычнага імпарту ва ўмовах санкцыйных абмежаванняў.
Акрамя таго, маскоўскія кампаніі выступаюць асноўнымі контрагентамі ў транзітных здзелках, заключаных паміж нерэзідэнтамі Беларусі. Такі біржавы механізм, па-першае, дае магчымасць наладзіць гандаль з суб'ектамі гаспадарання з аддаленых рэгіёнаў Расіі (напрыклад, мэбляй, таварамі штодзённага попыту і інш.), а па-другое, значна спрашчае выхад на рынкі трэціх краін, у прыватнасці Кітая. Аб перспектывах узаемадзеяння ў гэтым напрамку і магчымасцях пабудовы кааперацыйных ланцужкоў продажаў Беларусь-Расія-Кітай расказаў кіраўнік прадстаўніцтва БУТБ у Шанхаі Аляксей Дыкуша. У выніку адзін з удзельнікаў семінара праявіў інтарэс да заключэння транзітных здзелак па закупцы ў КНР крэмнію металічнага.
Пагадненне аб супрацоўніцтве Беларускай універсальнай таварнай біржы і Фонду падтрымкі знешнеэканамічнай дзейнасці Маскоўскай вобласці плануецца падпісаць у бліжэйшыя месяцы. Яго рэалізацыя дапаможа нарасціць аб'ёмы тавараабароту і пашырыць рынкі збыту беларускай і расійскай прадукцыі за кошт уключэння ў біржавы гандаль новых удзельнікаў.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
