ДЗЯРЖОРГАНЫДЗЯРЖОРГАНЫ
Нядзеля, 25 кастрычніка 2020
Мінск Суцэльная воблачнасць +9°C
Усе навіны
Усе навіны
Эканоміка
17 верасня 2020, 12:38

БУТБ гатова супрацоўнічаць з прадпрыемствамі лясной галіны Расіі

Фота з архіва
Фота з архіва

17 верасня, Мінск /Кар. БЕЛТА/. Беларуская ўніверсальная таварная біржа (БУТБ) падзялілася вопытам біржавога гандлю лесапрадукцыяй на міжнароднай канферэнцыі "Рынак лесу і піламатэрыялаў Расіі 2020", якая праходзіць у Маскве 16-17 верасня, паведамілі БЕЛТА ў прэс-службе БУТБ.

БУТБ займаецца арганізацыяй і правядзеннем біржавых таргоў лесаматэрыяламі больш за 15 гадоў. "За гэты час набыты значны вопыт рэалізацыіі такой прадукцыі як на ўнутраным рынку, так і за мяжой. Пры гэтым практыка паказвае, што выкарыстанне біржавога механізма садзейнічае пашырэнню геаграфіі продажаў і забяспечвае максімальна выгадныя ўмовы ажыццяўлення здзелак. Толькі за апошнія паўгода беларускія экспарцёры піламатэрыялаў дадаткова зарабілі амаль $4 млн, а ў якасці пакупнікоў выступалі кампаніі з больш як 30 краін", - адзначыў першы намеснік старшыні праўлення БУТБ Андрэй Новікаў.

Прадстаўнік БУТБ таксама адзначыў універсальны характар біржавой гандлёвай сістэмы, якую пры неабходнасці можна адаптаваць пад любую таварную пазіцыю і любы рынак, у тым ліку расійскі.

"Мы адкрыты для супрацоўніцтва і ў выпадку зацікаўленасці з расійскага боку гатовы прапанаваць сваю гандлёвую пляцоўку прадпрыемствам лясной галіны, якія хацелі б выйсці на новыя рынкі і павысіць эфектыўнасць знешнегандлёвай дзейнасці", - падкрэсліў Андрэй Новікаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі