Фота з архіва
9 верасня, Мінск /Кар. БЕЛТА/. На Беларускай універсальнай таварнай біржы (БУТБ) заключаны першыя здзелкі па заяўках, сфарміраваных у аўтаматычным рэжыме з прымяненнем інфармацыі з Банка даных электронных пашпартоў тавараў (ePASS), паведамілі БЕЛТА ў прэс-службе біржы.
Магчымасць ствараць заяўкі на куплю і продаж на аснове кодаў GTIN (глабальны ідэнтыфікацыйны нумар адзінкі тавару) з'явілася на таргах прамысловымі і спажывецкімі таварамі БУТБ у канцы жніўня, стаўшы практычным вынікам супрацоўніцтва біржы з ДП "Цэнтр Сістэм Ідэнтыфікацыі".
Як растлумачылі ў прэс-службе БУТБ, дзякуючы ўкараненню сістэмы ePASS істотна скараціўся час на падрыхтоўку да біржавых таргоў, паколькі пры фарміраванні заяўкі ўдзельнікам таргоў не трэба ўручную запаўняць палі з апісаннем і ключавымі характарыстыкамі тавараў. Цяпер дастаткова ўвесці адпаведны код GTIN - і ўсе неабходныя звесткі аўтаматычна загрузяцца з банка даных ePASS. Пасля гэтага патрэбна толькі пазначыць цану тавару, яго колькасць, умовы аплаты і пастаўкі, а таксама тэрмін дзеяння заяўкі.
Біржавыя таргі прадукцыяй прамысловага і спажывецкага прызначэння з'яўляюцца адным з ключавых напрамкаў дзейнасці БУТБ. За восем месяцаў гэтага года сума здзелак па гэтай групе тавараў дасягнула Br734 млн, на 42 працэнты перавысіўшы паказчык студзеня - жніўня 2023 года. У структуры продажаў пераважае аўтатранспарт, спецтэхніка, прамысловае абсталяванне, камп'ютарная тэхніка, а таксама запчасткі, камплектуючыя і расходныя матэрыялы.-0-
Магчымасць ствараць заяўкі на куплю і продаж на аснове кодаў GTIN (глабальны ідэнтыфікацыйны нумар адзінкі тавару) з'явілася на таргах прамысловымі і спажывецкімі таварамі БУТБ у канцы жніўня, стаўшы практычным вынікам супрацоўніцтва біржы з ДП "Цэнтр Сістэм Ідэнтыфікацыі".
Як растлумачылі ў прэс-службе БУТБ, дзякуючы ўкараненню сістэмы ePASS істотна скараціўся час на падрыхтоўку да біржавых таргоў, паколькі пры фарміраванні заяўкі ўдзельнікам таргоў не трэба ўручную запаўняць палі з апісаннем і ключавымі характарыстыкамі тавараў. Цяпер дастаткова ўвесці адпаведны код GTIN - і ўсе неабходныя звесткі аўтаматычна загрузяцца з банка даных ePASS. Пасля гэтага патрэбна толькі пазначыць цану тавару, яго колькасць, умовы аплаты і пастаўкі, а таксама тэрмін дзеяння заяўкі.
Біржавыя таргі прадукцыяй прамысловага і спажывецкага прызначэння з'яўляюцца адным з ключавых напрамкаў дзейнасці БУТБ. За восем месяцаў гэтага года сума здзелак па гэтай групе тавараў дасягнула Br734 млн, на 42 працэнты перавысіўшы паказчык студзеня - жніўня 2023 года. У структуры продажаў пераважае аўтатранспарт, спецтэхніка, прамысловае абсталяванне, камп'ютарная тэхніка, а таксама запчасткі, камплектуючыя і расходныя матэрыялы.-0-
Падпісвайцеся на нас у
