Фота з архіва
11 лютага, Мінск /Кар. БЕЛТА/. На Беларускай універсальнай таварнай біржы акрэдытавалася першая кампанія з Інданезіі. Новы ўдзельнік біржавых таргоў плануе выкарыстоўваць магчымасці беларускай гандлёвай платформы для набыцця піламатэрыялаў і малочнай прадукцыі, паведамілі БЕЛТА ў прэс-службе БУТБ.
Такім чынам, геаграфія замежных кліентаў БУТБ чарговы раз пашырылася і цяпер ахоплівае 79 краін. Як адзначылі ў прэс-службе, з кожным годам інтарэс замежнага бізнесу да біржавога рынку Беларусі дынамічна расце, забяспечваючы стабільны прыток удзельнікаў-нерэзідэнтаў, і мінулы год стаў у гэтых адносінах адным з самых паспяховых.
"У 2024 годзе вялася актыўная работа па пашырэнні прысутнасці біржы на замежных рынках. У выніку на біржавую пляцоўку былі прыцягнуты рэзідэнты васьмі новых краін, раней не прадстаўленых на таргах. Гэта вытворчыя і гандлёвыя прадпрыемствы з Венесуэлы, В'етнама, Ірака, Кеніі, Малайзіі, Мексікі, Амана і Саудаўскай Аравіі. Пры гэтым агульная колькасць акрэдытаваных на біржы замежных суб'ектаў гаспадарання павялічылася амаль на 1100 кампаній і да канца 2024 года дасягнула 7945. У бягучым годзе гэты паказчык таксама дэманструе дадатную дынаміку, і за студзень на таргі прыйшлі 75 новых удзельнікаў з-за мяжы. Сярод іх ёсць і прадаўцы, і пакупнікі, але калі гаварыць аб краінах далёкай дугі, такіх як Інданезія, В'етнам або Малайзія, то гэта пераважна імпарцёры, якія выбралі біржу як найбольш зручны для іх варыянт работы на беларускім рынку", - расказалі ў прэс-службе БУТБ.
Па стане на 1 лютага 2025 года на БУТБ былі акрэдытаваны 35 513 кампаній, у тым ліку 8020 нерэзідэнтаў Беларусі. У пяцёрку лідараў па колькасці новых кампаній у 2024 годзе ўвайшлі Расія, Кітай, Узбекістан, Азербайджан і Турцыя, а ў 2025-м - Расія, Азербайджан, Кітай, Казахстан і Арменія.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Такім чынам, геаграфія замежных кліентаў БУТБ чарговы раз пашырылася і цяпер ахоплівае 79 краін. Як адзначылі ў прэс-службе, з кожным годам інтарэс замежнага бізнесу да біржавога рынку Беларусі дынамічна расце, забяспечваючы стабільны прыток удзельнікаў-нерэзідэнтаў, і мінулы год стаў у гэтых адносінах адным з самых паспяховых.
"У 2024 годзе вялася актыўная работа па пашырэнні прысутнасці біржы на замежных рынках. У выніку на біржавую пляцоўку былі прыцягнуты рэзідэнты васьмі новых краін, раней не прадстаўленых на таргах. Гэта вытворчыя і гандлёвыя прадпрыемствы з Венесуэлы, В'етнама, Ірака, Кеніі, Малайзіі, Мексікі, Амана і Саудаўскай Аравіі. Пры гэтым агульная колькасць акрэдытаваных на біржы замежных суб'ектаў гаспадарання павялічылася амаль на 1100 кампаній і да канца 2024 года дасягнула 7945. У бягучым годзе гэты паказчык таксама дэманструе дадатную дынаміку, і за студзень на таргі прыйшлі 75 новых удзельнікаў з-за мяжы. Сярод іх ёсць і прадаўцы, і пакупнікі, але калі гаварыць аб краінах далёкай дугі, такіх як Інданезія, В'етнам або Малайзія, то гэта пераважна імпарцёры, якія выбралі біржу як найбольш зручны для іх варыянт работы на беларускім рынку", - расказалі ў прэс-службе БУТБ.
Па стане на 1 лютага 2025 года на БУТБ былі акрэдытаваны 35 513 кампаній, у тым ліку 8020 нерэзідэнтаў Беларусі. У пяцёрку лідараў па колькасці новых кампаній у 2024 годзе ўвайшлі Расія, Кітай, Узбекістан, Азербайджан і Турцыя, а ў 2025-м - Расія, Азербайджан, Кітай, Казахстан і Арменія.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
