Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Лукашэнка: ганаруся беларускай моладдзю
18 Кастрычнік, 15:49 Прэзідэнт
Усе навіны

Будаўніцтва падстанцыі на Нежынскім ГАК плануюць завяршыць у бягучым годзе

Эканоміка 12.08.2019 | 15:04
Фота slavkaliy.com
Фота slavkaliy.com

12 жніўня, Мінск /Кар. БЕЛТА/. Будаўніцтва электрычнай паніжальнай падстанцыі 110/10 кВ "Нежынская" плануюць завяршыць у 2019 годзе, паведамілі БЕЛТА ў прэс-службе ЗТАА "Славкалій".

"Завяршыць будаўніцтва падстанцыі "Нежынская" і выканаць яе падключэнне да падстанцыі "Калійная" плануецца ў бягучым годзе. Атрыманая крыніца электраэнергіі забяспечыць работу будуемага калійнага комплексу на пастаянны перыяд", - сказалі ў прэс-службе.

"Славкалій" прадаўжае будаўніцтва падстанцыі. Шэраг мерапрыемстваў, накіраваных на забеспячэнне часовай крыніцай электраэнергіі будаўнічага гарадка, удалося завяршыць у мінулым годзе. Былі ўзведзены будынак агульнападстанцыйнага пункта кіравання, 4-я секцыя будынка размеркавальнага ўстройства, кабельныя каналы і эстакады, выканана падключэнне падстанцыі "Нежынская" да ўладкаванай адпайкі ад паветранай высакавольтавай лініі падстанцыі 110/10 кВ "Калійная" - падстанцыі "Сарачы".

Сёння будаўніча-мантажныя работы на падстанцыі "Нежынская" прадаўжаюцца ў адпаведнасці з графікам. Выконваецца забіўка паляў пад будаўніцтва модульнага будынка элегазавага комплекснага размеркавальнага ўстройства, 1-й, 2-й, 3-й секцый будынка закрытага размеркавальнага ўстройства (ЗРУ), трансфарматарнай устаноўкі, ідзе мантаж металічных каркасаў асновы аб'ектаў. Дастаўку неабходных матэрыялаў і абсталявання плануецца завяршыць на працягу месяца.

Падача электраэнергіі на падстанцыю будзе ажыццяўляцца ад падстанцыі "Калійная" па паветранай высакавольтавай лініі на 110 кВ. Уладкаванне лініі "Славкалій" выканаў на 50 працэнтаў. Устаноўлены больш за 90 электрычных апор, у бягучым месяцы пачнуць нацяжэнне правадоў. Акрамя таго, выконваецца рэканструкцыя ўчастка перасячэння будуемай высакавольтавай лініі з дзеючай ВЛ на 330 кВ "Калійная - Мазыр".

Нежынскі горна-абагачальны камбінат на базе Старобінскага радовішча калійных солей будзе другім прадпрыемствам у Беларусі па здабычы калійнай руды і вытворчасці калійных угнаенняў. Яго магутнасць складзе да 2 млн т хларыду калію ў год. Інвестыцыйны праект прадугледжвае будаўніцтва горназдабыўнога комплексу, абагачальнай фабрыкі, газатурбіннай электрастанцыі для ўласных патрэб, чыгуначнай, аўтадарожнай, жыллёвай і іншай інфраструктуры. Яго рэалізуе ЗТАА "Славкалій", што ўваходзіць у групу "Сафмар" Міхаіла Гуцарыева.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.