Сцяг Чацвер, 28 сакавіка 2024
Усе навіны
Усе навіны
Эканоміка
10 чэрвеня 2020, 13:23

Будаўніцтва нафтаправода Гомель-Горкі будзе каштаваць каля Br300 млн і пачнецца 1 лістапада

10 чэрвеня, Мінск /Кар. БЕЛТА/. Будаўніцтва нафтаправода Гомель-Горкі, які злучыць на тэрыторыі Беларусі дзве веткі магістральнага нафтаправода "Дружба" і палепшыць лагістыку для альтэрнатыўных паставак нафты, будзе каштаваць каля Br300 млн. Аб гэтым у інтэрв'ю часопісу "Вестник "Белнефтехима" расказаў намеснік генеральнага дырэктара па капітальным будаўніцтве і рамонце ААТ "Гомельтранснафта Дружба" Андрэй Карабань, паведамляе карэспандэнт БЕЛТА.

"Праект будзе фінансавацца за кошт уласных сродкаў ААТ "Гомельтранснафта Дружба". Прыкладны кошт, уключаючы запаўненне трубы тэхналагічнай нафтай, складае каля Br300 млн", - сказаў Андрэй Карабань.

Агульная працягласць новага магістральнага нафтаправода складзе да 207 км. Максімальны аб'ём перапампоўвання - 6 млн т у год.

"Праект першай чаргі з экспертызай будзе гатовы 30 кастрычніка бягучага года, а 1 лістапада мы плануем пачаць будаўніча-мантажныя работы. Такім чынам, праектныя работы пачаліся ўжо, вядуцца геалагічныя пошукі і геадэзічныя работы, уключаючы падрыхтоўку тэхнічных умоў на перасячэнне з камунікацыямі. Пасля стварэння папярэдняй схемы размяшчэння зямельных участкаў пачнём выконваць папярэдняе адвядзенне зямель", - расказаў намеснік гендырэктара ААТ "Гомельтранснафта Дружба".

Як паведамлялася, для дыверсіфікацыі паставак нафты ў Беларусь у 2020-2023 гадах будзе рэалізаваны інвестыцыйны праект па будаўніцтве магістральнага нафтаправода Гомель-Горкі. Заказчыкам па праектаванні і будаўніцтве нафтаправода вызначана ААТ "Гомельтранснафта Дружба", генеральнай праектнай і генеральнай падраднай арганізацыяй - вытворчае аб'яднанне "Беларуснафта".

У "Белнафтахіме" растлумачылі, што нафтаправод Гомель-Горкі дапаможа арганізаваць пастаўкі альтэрнатыўнай нафты трубаправодным транспартам на Мазырскі НПЗ і ААТ "Нафтан". Магістральны нафтаправод "Дружба" перад граніцай Беларусі разыходзіцца на паўночную і паўднёвую веткі. Пабудаваная перамычка будзе злучаць гэтыя дзве веткі па тэрыторыі Беларусі. Калі будзе задзейнічаны рэверс з Польшчы, новы нафтаправод дасць магчымасць пастаўляць альтэрнатыўную нафту трубаправодным транспартам у тым ліку на "Нафтан". Цяпер такая перавага ў Мазырскага НПЗ.-0-

Падпісвайцеся на нас у
Twitter
Топ-навіны
Свежыя навіны Беларусі