ДЗЯРЖОРГАНЫДЗЯРЖОРГАНЫ
Флаг Аўторак, 31 студзеня 2023
Мінск -1°C
Усе навіны
Усе навіны
Эканоміка
14 лістапада 2022, 14:26

Брыло: у бягучым годзе грэчкі сабралі амаль у два разы больш

Фота з архіва
Фота з архіва

14 лістапада, Мінск /Кар. БЕЛТА/. У гэтым годзе ў Беларусі сабралі амаль у два разы больш грэчкі, чым у мінулым. Аб гэтым на прэс-канферэнцыі заявіў міністр сельскай гаспадаркі і харчавання Ігар Брыло, перадае карэспандэнт БЕЛТА.

"Усе нашы палявыя работы падыходзяць да фінішу, засталося толькі ў невялікім аб'ёме падняць зябліва. У бягучым годзе нам удалося павялічыць вал збожжа і зернебабовых культур практычна на 1,5 млн т. Так, па аб'ёме збожжа мы прыраслі на 23 працэнты да ўзроўню мінулага года. Таксама нядрэнны вал склаўся па крыжакветных, у прыватнасці па рапсе - 934 тыс. т збожжа (13 працэнтаў рост да ўзроўню мінулага года). Па іншых культурах у нас таксама добры ўраджай: грэчкі сабрана практычна ў 2 разы больш - 47 тыс. т (у 2021 годзе - 24 тыс. т), проса - 27 тыс. т (у 2021 годзе - 16 тыс. т). Па бульбе перайшлі рубеж больш як 1 млн т, а ў мінулым годзе сабралі 878 тыс. т", - расказаў міністр.

Ён таксама адзначыў, што сёння ў гаспадарках Беларусі завершыцца ўборка цукровых буракоў. "На сёння сабрана 4,3 млн т цукровых буракоў. У гэтым годзе мы сабралі на 250 тыс. т гэтага караняплода больш, чым у мінулым. Акрамя таго, нам удалося атрымаць больш за 160 тыс. т ільнотрасты і прырасці амаль на 30 працэнтаў да ўзроўню 2021 года", - дадаў Ігар Брыло.

Паводле яго слоў, гэтыя аб'ёмы ўраджаю дазволяць забяспечыць харчовую бяспеку краіны - вырабіць хлеб, муку, макаронныя вырабы, кандытарскія вырабы, а таксама забяспечыць жывёлагадоўлю паўнацэннымі кармамі.

"Што датычыцца экспарту, то ў асноўным будзем пастаўляць мяса-малочную прадукцыю. Па выніках 9 месяцаў экспарт сельгаспрадукцыі за мяжу склаў $6 млрд (рост - 26 працэнтаў да ўзроўню мінулага года). У бягучым годзе плануем перасягнуць лічбу $8 млрд", - рэзюмаваў міністр сельскай гаспадаркі і харчавання.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі