Фота Мінэканомікі
29 мая, Мінск /Кар. БЕЛТА/. Закон "Аб урэгуляванні неплацежаздольнасці" садзейнічае выхаду праблемных прадпрыемстваў на стабільную работу. Аб гэтым заявіла намеснік міністра эканомікі Таццяна Бранцэвіч, выступаючы з прывітальным словам да ўдзельнікаў форуму "Антыкрызіснае кіраванне. Новы погляд", паведамілі БЕЛТА ў прэс-службе Мінэканомікі.
Намеснік кіраўніка эканамічнага ведамства нагадала, што новыя механізмы рэгулявання сацыяльна-эканамічных працэсаў для павышэння эфектыўнасці работы арганізацый замацаваны ў законе "Аб урэгуляванні неплацежаздольнасці".
"Закон - гэта 230 артыкулаў, сутнасцю якіх з'яўляецца распрацоўка праграмы дзеянняў па аздараўленні прадпрыемства або перадачы актываў новаму эфектыўнаму ўласніку з выкарыстаннем максімуму прававых інструментаў для прадухілення крызісу. Дакумент накіраваны на забеспячэнне своечасовай рэабілітацыі праблемных прадпрыемстваў і іх выхаду на стабільную работу. Пераканана, што адкрыты дыялог спецыялістаў у сферы ўрэгулявання неплацежаздольнасці будзе садзейнічаць далейшай мадэрнізацыі гэтага інстытута, павышэнню ўзроўню кампетэнцыі антыкрызісных кіраўнікоў, што дазволіць нам яшчэ больш паспяхова працаваць над зніжэннем колькасці неэфектыўных прадпрыемстваў, забяспечваць новы старт для бізнесу", - адзначыла Таццяна Бранцэвіч.
Удзел у мерапрыемстве прынялі супрацоўнікі Дэпартамента па санацыі і банкруцтве, кіраўнікі тэрытарыяльных органаў па санацыі і банкруцтве Мінэканомікі, антыкрызісныя кіраўнікі, юрысты прадпрыемстваў і банкаў, адвакаты, прадстаўнікі дзяржорганаў і судзейскага корпуса.-0-
Намеснік кіраўніка эканамічнага ведамства нагадала, што новыя механізмы рэгулявання сацыяльна-эканамічных працэсаў для павышэння эфектыўнасці работы арганізацый замацаваны ў законе "Аб урэгуляванні неплацежаздольнасці".
"Закон - гэта 230 артыкулаў, сутнасцю якіх з'яўляецца распрацоўка праграмы дзеянняў па аздараўленні прадпрыемства або перадачы актываў новаму эфектыўнаму ўласніку з выкарыстаннем максімуму прававых інструментаў для прадухілення крызісу. Дакумент накіраваны на забеспячэнне своечасовай рэабілітацыі праблемных прадпрыемстваў і іх выхаду на стабільную работу. Пераканана, што адкрыты дыялог спецыялістаў у сферы ўрэгулявання неплацежаздольнасці будзе садзейнічаць далейшай мадэрнізацыі гэтага інстытута, павышэнню ўзроўню кампетэнцыі антыкрызісных кіраўнікоў, што дазволіць нам яшчэ больш паспяхова працаваць над зніжэннем колькасці неэфектыўных прадпрыемстваў, забяспечваць новы старт для бізнесу", - адзначыла Таццяна Бранцэвіч.
Удзел у мерапрыемстве прынялі супрацоўнікі Дэпартамента па санацыі і банкруцтве, кіраўнікі тэрытарыяльных органаў па санацыі і банкруцтве Мінэканомікі, антыкрызісныя кіраўнікі, юрысты прадпрыемстваў і банкаў, адвакаты, прадстаўнікі дзяржорганаў і судзейскага корпуса.-0-
