ДЗЯРЖОРГАНЫДЗЯРЖОРГАНЫ
Флаг Нядзеля, 19 верасня 2021
Мінск Пераменная воблачнасць +6°C
Усе навіны
Усе навіны
Эканоміка
14 верасня 2021, 14:11

Больш за 50 кампаній з 5 краін прымае ўдзел у выстаўцы "Будпрагрэс-2021"

14 верасня, Мінск /Кар. БЕЛТА/. Больш за 50 кампаній з 5 краін прымае ўдзел у міжнароднай спецыялізаванай выстаўцы "Будпрагрэс-2021", якая адкрылася сёння ў Мінску, паведамляе БЕЛТА.

У мерапрыемстве прымаюць удзел прадпрыемствы з Беларусі, Індыі, Латвіі, Расіі і Украіны. Сярод айчынных вытворцаў будаўнічай прадукцыі свае стэнды прадставілі такія кампаніі, як "Беларуская шкляная кампанія" - кіруючая кампанія холдынга, ААТ "Бярозабудматэрыялы", ААТ "Гомельшкло", ААТ "Гродзенскі шклозавод", ААТ "Кераміка", ААТ "Краснасельскбудматэрыялы", ААТ "Радашковіцкі керамічны завод", ААТ "Шклозавод "Нёман" і іншыя.

Таксама на выстаўцы прадстаўлена індыйская кераміка. "Індыйская правінцыя Морбі вядома сваёй керамікай на ўвесь свет. Тут вырабляецца насценная і падлогавая плітка, керамаграніт розных памераў, сантэхніка і посуд. 90 працэнтаў індыйскай і 13 працэнтаў сусветнай вытворчасці керамікі сканцэнтравана менавіта там. Індыйскія керамічныя вырабы вельмі запатрабаваны на ўнутраным рынку, але іх экспарт адносна невялікі. У Беларусі ва ўмовах усеагульнай эканоміі цікавасць да індыйскай керамікі актыўна расце, таму ў гэтым годзе індыйскія вытворцы прадставілі сваю прадукцыю на выставе "Будпрагрэс-2021". Для пошуку новых партнёраў у Беларусі ў Мінск прыбыла вялікая дэлегацыя індыйскіх вытворцаў керамікі", - расказалі ў ЗАТ "Мінскэкспа".

Сучасныя тэлекамунікацыйныя рашэнні для будаўнічай індустрыі прэзентуе на выстаўцы кампанія "Белтэлекам". Экспазіцыя гэтага прадпрыемства азнаёміць гасцей і ўдзельнікаў гэтага выставачнага мерапрыемства з комплекснымі праектамі, якія могуць паспяхова прымяняцца ў сферы інавацыйнага будаўніцтва. Як адзначылі ў кампаніі, сёння яна гатова рэалізаваць любы тэлекамунікацыйны праект пад ключ і прапанаваць свае сцэнарыі для такіх перспектыўных канцэпцый, як "разумны дом" і "разумны горад".

У рамках дзелавой праграмы запланавана правядзенне форуму "Інавацыі ў будаўніцтве - 2021", дзе адбудуцца семінары аб магчымасцях судовай будаўніча-тэхнічнай экспертызы пры вырашэнні спрэчак у галіне будаўніцтва, аб тэндэнцыях у развіцці будаўнічай тэхнікі, а таксама аб бяспецы ў будаўнічай галіне.

А для дызайнераў інтэр'еру і ўсіх, хто цікавіцца моднымі тэндэнцыямі, пройдуць "Дні дызайну ў Беларусі". Арганізатарам гэтага мерапрыемства выступіць Еўрапейская школа інтэр'еру, дызайну і дэкору. "Вядомыя спецыялісты правядуць лекцыі, майстар-класы, прэзентацыі, круглыя сталы. Будзе працаваь майстэрня па распрацоўцы дызайн-праектаў, дзе жадаючыя атрымаюць бясплатныя кансультацыі дызайнераў і нават змогуць выбраць дызайнера свайго дома", - адзначылі ў выставачнай кампаніі.

Выстаўка праходзіць у Футбольным манежы, дзе на працягу чатырох дзён - з 14 па 17 верасня - любы жадаючы зможа асабіста даведацца аб новых тэндэнцыях і рашэннях будаўнічай сферы. Акрамя таго, "Будпрагрэс" - дадатковая магчымасць вываду на будаўнічы рынак найноўшых тэхналогій, матэрыялаў і канструкцый, цэнтр абмену вопытам, што садзейнічае не толькі развіццю будаўнічай галіны, але і прыцягненню інвестыцый у гэты сектар эканомікі, умацаванню дзелавых сувязей паміж беларускімі і замежнымі кампаніямі, лічаць у "Мінскэкспа".

У гэтым годзе сярод традыцыйных раздзелаў выстаўкі "Будпрагрэс" размясціліся і дэбютанты - "Дызайн і інтэр'ер", "Праектаванне і мадэляванне", "Hi-Tech у архітэктуры і будаўніцтве" і "Сучаснае печкабудаванне". "Менавіта ў гэтых напрамках за апошнія гады адбыўся каласальны прагрэс. У новых раздзелах прадстаўлены прапановы айчынных і замежных кампаній. Прафесіяналы раскажуць аб сучасных тэндэнцыях у праектаванні забудоў, новых напрамках у дызайне і архітэктуры, цікавых інтэр'ерных рашэннях, аддзелцы і многім іншым", - растлумачылі ў "Мінскэкспа".

На экспазіцыйнай пляцоўцы таксама прадстаўлены традыцыйныя раздзелы - "Будаўнічая тэхніка", "Інструмент у будаўніцтве", "Аддзелачныя матэрыялы", "Дзверы і фурнітура".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі