Мабільная версія
ДЗЯРЖОРГАНЫ

Апошнія навіны
Усе навіны

Больш за 280 інвестпраектаў плануецца рэалізаваць для развіцця адстаючых рэгіёнаў Беларусі

Эканоміка 11.10.2019 | 15:26
Фота з архіва
Фота з архіва

11 кастрычніка, Мінск /Кар. БЕЛТА/. Урадам зацверджаны план развіцця асобных рэгіёнаў, адстаючых па ўзроўні сацыяльна-эканамічнага развіцця. Адпаведнае рашэнне замацавана пастановай Савета Міністраў ад 9 кастрычніка 2019 года нумар 689, паведамілі БЕЛТА ў прэс-службе ўрада.

Дакумент прыняты ў мэтах выканання пратакола даручэнняў кіраўніка дзяржавы, дадзеных 2 сакавіка 2018 года ў час справаздачы ўрада, Нацыянальнага банка, аблвыканкамаў і Мінскага гарвыканкама аб выніках работы эканомікі за 2017 год і задачах па забеспячэнні ўстойлівага эканамічнага росту.

Мэта зацверджанага плана - знізіць узровень дыферэнцыяцыі па ўзроўні і якасці жыцця насельніцтва за кошт раскрыцця, аднаўлення і нарошчвання вытворчага патэнцыялу, развіцця інфраструктуры, фарміравання камфортнага асяроддзя для пражывання на аснове канкурэнтных пераваг, накопленых кампетэнцый кожнага рэгіёна.

План прадугледжвае рэалізацыю партфеля інвестыцыйных праектаў і прапаноў у адстаючых рэгіёнах і змяшчае 282 праекты з агульным аб'ёмам інвестыцый Br10 024,1 млн і $2,5 млн, а таксама 224 інвестыцыйныя прапановы з патрэбным аб'ёмам фінансавання каля Br900 млн.

"Рэалізацыя партфеля інвестпраектаў і прапаноў у адстаючых рэгіёнах будзе садзейнічаць развіццю тэрыторый за кошт стварэння новых прадпрыемстваў і вытворчасцей, мадэрнізацыі дзеючых прадпрыемстваў, а таксама фарміравання неабходнай вытворчай і сацыяльнай інфраструктуры", - адзначаецца ў дакуменце. Фінансаванне праектаў будзе весціся за кошт уласных сродкаў арганізацый, крэдытных рэсурсаў, сродкаў інвестараў, а таксама іншых крыніц, не забароненых заканадаўствам.

У выніку рэалізацыі плана развіцця асобных рэгіёнаў у 2019-2020 гадах чакаецца ва ўсіх адстаючых рэгіёнах скарачэнне разрыву ва ўзроўні і якасці жыцця насельніцтва ў параўнанні з сярэднерэспубліканскім узроўнем, 11 раёнаў павінны выйсці з групы адстаючых, 5 - наблізіцца да выхаду з групы.

У адпаведнасці з парадкам аднясення адміністрацыйна-тэрытарыяльных адзінак да тэрыторый, адстаючых па ўзроўні сацыяльна-эканамічнага развіцця, зацверджаных пастановай Савета Міністраў нумар 74 ад 2 лютага бягучага года, адстаючых па ўзроўні сацыяльна-эканамічнага развіцця вызначаны 31 раён са 128 адміністрацыйна-тэрытарыяльных адзінак рэспублікі (24,2 працэнта ад агульнай колькасці).

Так, у Брэсцкай вобласці вызначана 3 з 19 адміністрацыйна-тэрытарыяльных адзінак (15,8 працэнта), Віцебскай - 7 з 23 (30,4 працэнта), Гомельскай - 8 з 22 (36,4 працэнта), Гродзенскай - 3 з 18 (16,7 працэнта), Мінскай - 3 з 22 (13,6 працэнта), Магілёўскай - 7 з 23 (30,4 працэнта). Па ўзроўні сацыяльна-эканамічнага развіцця адстаючыя раёны з істотным адрывам уступаюць астатнім рэгіёнам рэспублікі, маюць недастатковы працоўны і эканамічны патэнцыял для комплекснага развіцця і павышэння канкурэнтаздольнасці за кошт уласных рэсурсаў.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Маладзёжны чэмпіянат свету па хакеі ў Мінску Беларусь атрымала права прыняць маладзёжны (U-20) чэмпіянат свету ў першым дывізіёне на кангрэсе Міжнароднай федэрацыі хакея ў Браціславе.