Фота з архіва
20 лютага, Мінск /Кар. БЕЛТА/. Палітыка Беларускага металургічнага завода (БМЗ) - трымаць той узровень вытворчасці сталі, які дазваляе заводу стабільна працаваць і забяспечваць сябе матэрыяламі, атрымліваць прыбытак ад продажаў і мець дадатную рэнтабельнасць. Такую заяву на сустрэчы з калектывам сортапракатнага цэха нумар 2 зрабіў намеснік генеральнага дырэктара па тэхнічным развіцці - галоўны інжынер БМЗ Мікалай Анелькін, паведамілі БЕЛТА ў прэс-службе холдынга "БМК".
Было падкрэслена, што ў існуючай сусветнай абстаноўцы няма сэнсу імкнуцца да залішніх аб'ёмаў вытворчасці сталі, якія могуць прыносіць страты.
Галоўны інжынер таксама закрануў пытанні закупкі металалому: дастаўка з далёкіх рэгіёнаў прыводзіць да вялікіх правазных плацяжоў, а для прадпрыемства цяпер гэта нявыгадна. Металургічны завод заўсёды знаходзіцца ў пошуку найлепшага рашэння для атрымання прыбытку. Так, каля 60 працэнтаў яго прадукцыі пастаўляецца ў Расію, частка - на ўнутраны рынак і ў краіны блізкага і далёкага замежжа.
"Сёння складана прагназаваць, як будзе развівацца бізнес, аднак трэба прызнаць, што, наперакор абставінам, гэтыя тры гады мы адпрацавалі дастаткова добра. Мы з аптымізмам глядзім у будучыню", - рэзюмаваў намеснік гендырэктара па тэхнічным развіцці.
ААТ "БМЗ - кіруючая кампанія холдынга "БМК" - высокатэхналагічнае прадпрыемства металургічнай галіны. Структурна складаецца са звязаных адным тэхналагічным ланцужком вытворчасцей - сталеплавільнай, пракатнай, трубнай, метызнай і цэхаў інфраструктуры.-0-
Было падкрэслена, што ў існуючай сусветнай абстаноўцы няма сэнсу імкнуцца да залішніх аб'ёмаў вытворчасці сталі, якія могуць прыносіць страты.
Галоўны інжынер таксама закрануў пытанні закупкі металалому: дастаўка з далёкіх рэгіёнаў прыводзіць да вялікіх правазных плацяжоў, а для прадпрыемства цяпер гэта нявыгадна. Металургічны завод заўсёды знаходзіцца ў пошуку найлепшага рашэння для атрымання прыбытку. Так, каля 60 працэнтаў яго прадукцыі пастаўляецца ў Расію, частка - на ўнутраны рынак і ў краіны блізкага і далёкага замежжа.
"Сёння складана прагназаваць, як будзе развівацца бізнес, аднак трэба прызнаць, што, наперакор абставінам, гэтыя тры гады мы адпрацавалі дастаткова добра. Мы з аптымізмам глядзім у будучыню", - рэзюмаваў намеснік гендырэктара па тэхнічным развіцці.
ААТ "БМЗ - кіруючая кампанія холдынга "БМК" - высокатэхналагічнае прадпрыемства металургічнай галіны. Структурна складаецца са звязаных адным тэхналагічным ланцужком вытворчасцей - сталеплавільнай, пракатнай, трубнай, метызнай і цэхаў інфраструктуры.-0-
Падпісвайцеся на нас у
