27 студзеня, Мінск /Кар. БЕЛТА/. Бюджэт пражытачнага мінімуму павялічваецца з 1 лютага. Гэты паказчык павялічыцца з Br288,01 да Br296,55 і будзе дзейнічаць да 30 красавіка 2022 года. Гэта прадугледжана пастановай Міністэрства працы і сацыяльнай абароны ад 21 студзеня 2022 года нумар 4, паведамляе БЕЛТА са спасылкай на Нацыянальны прававы інтэрнэт-партал.
Па асноўных сацыяльна-дэмаграфічных групах зацверджаны наступныя памеры БПМ: працаздольнае насельніцтва - Br329,35 (раней - Br321,22), пенсіянеры - Br224,10 (раней - Br217,19), дзеці ва ўзросце да трох гадоў - Br187,04 (раней - Br180,64), ад трох да шасці гадоў - Br259,47 (раней - Br251,26), ад 6 да 18 гадоў - Br317,33 (раней - Br307,98).
Пры гэтым прапарцыянальна росту БПМ зменяцца і памеры дзяржаўнай дапамогі сем'ям, якія выхоўваюць дзяцей, сацыяльных пенсій, павышэнняў да пенсій, што прадугледжаны для асобных катэгорый пенсіянераў, даплат і надбавак пенсіянерам ва ўзросце 75 гадоў і старэйшым, атрымліваючым пенсіі ў органах па працы, занятасці і сацыяльнай абароне, дапамог па доглядзе інваліда І групы або асобы, якая дасягнула 80-гадовага ўзросту.-0-
