6 снежня, Санкт-Пецярбург /Міхаіл Маціеўскі - БЕЛТА/. Бюджэт Еўразійскага эканамічнага саюза ў 2019 годзе складзе больш за 8,7 млрд расійскіх рублёў. Ён быў зацверджаны сёння кіраўнікамі дзяржаў на пасяджэнні Вышэйшага Еўразійскага эканамічнага савета ў Санкт-Пецярбургу, перадае карэспандэнт БЕЛТА.
Расходы Еўразійскай эканамічнай камісіі перавысяць 8,3 млрд расійскіх рублёў, Суда ЕАЭС - амаль 383 млн расійскіх рублёў. Долевы ўзнос Беларусі складае практычна 400 млн у расійскай валюце.
У бюджэце арганізацыі ў 2019 годзе будзе асаблівасць: у ім прадугледжаны расходы на рэалізацыю лічбавага парадку дня ЕАЭС у суме 500 млн расійскіх рублёў.
У час пасяджэння кіраўнікі дзяржаў таксама зацвердзілі памер пошліны, якую павінны выплачваць прадпрыемствы пры звароце ў Суд ЕАЭС. У наступным годзе яна будзе складаць 44,7 тыс. расійскіх рублёў у адпаведнасці з прагназуемым індэксам росту спажывецкіх цэн 4,3 працэнта.-0-
