Мабільная версія
ДЗЯРЖОРГАНЫ

Апошнія навіны
Усе навіны

Бюджэт Беларусі атрымаў у 2018 годзе ад "падатку на Google" амаль Br15,8 млн

Эканоміка 18.03.2019 | 17:56
Фота з архіва
Фота з архіва

18 сакавіка, Мінск /Кар. БЕЛТА/. Бюджэт Беларусі атрымаў у 2018 годзе ад "падатку на Google" Br15 млн 774 тыс., паведаміла карэспандэнту БЕЛТА начальнік упраўлення міжнароднага падатковага супрацоўніцтва Міністэрства па падатках і зборах Ала Сундукова.

"Па выніках 2018 года паступіла Br15 млн 774 тыс. На гэты час на ўліку ў ІМПЗ па Мінску для выплаты ПДВ пры аказанні паслуг у электроннай форме знаходзяцца 59 замежных арганізацый - пастаўшчыкоў такіх паслуг", - паведаміла Ала Сундукова.

Прадстаўнік МПЗ нагадала, што адпаведныя змяненні ў Падатковы кодэкс, якія прадугледжваюць неабходнасць выплаты "падатку на Google" былі прыняты ў канцы 2016 года, а пачалі дзейнічаць з 2018-га. "У бягучым годзе мы нічога прынцыпова не мянялі, паколькі стараліся на пачатковым этапе работы ўключыць у заканадаўстве ўсе неабходныя палажэнні, каб ў плацельшчыкаў не ўзнікала пытанняў пры яго прымяненні", - удакладніла яна.

Паводле слоў Алы Сундуковай, цяпер падыходы да спагнання ПДВ пры аказанні паслуг у электроннай форме адпрацоўваюцца на пляцоўцы Еўразійскага эканамічнага саюза. "Дзве краіны з пяці - Беларусь і Расія - ужо маюць адпаведнае заканадаўства, Казахстан праінфармаваў аб рабоце над змяненнямі ў заканадаўства і планах у бліжэйшай перспектыве ўключыць нормы аб спагнанні ПДВ у электроннай форме ў свой Падатковы кодэкс. У сувязі з гэтым наспела неабходнасць рэгулявання гэтага пытання ў пратаколе аб парадку спагнання ўскосных падаткаў (з'яўляецца неад'емнай часткай Дагавора аб ЕАЭС). Гэта работа пачата ўжо", - растлумачыла прадстаўнік МПЗ. У прыватнасці, у праекце змяненняў у названы пратакол прадугледжваюцца адзіны для дзяржаў - членаў ЕАЭС пералік паслуг у электроннай форме, а таксама ўзгадняюцца іншыя палажэнні, неабходныя для падатковага адміністравання выплаты ПДВ пры аказанні названых паслуг ва ўзаемным гандлі дзяржаў - членаў ЕАЭС.

Як паведамлялася раней, у Беларусі з 1 студзеня 2018 года замежныя арганізацыі, якія аказваюць электронныя паслугі фізічным асобам, з'яўляюцца плацельшчыкамі ПДВ. Пры спагнанні падатку прымяняецца стандартная стаўка ў памеры 20 працэнтаў. На стадыі падрыхтоўкі законапраекта магчымы аб'ём паступленняў у 2018 годзе ацэньваўся МПЗ у памеры $4 млн.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў