Фота БУТБ
11 сакавіка, Мінск /Кар. БЕЛТА/. За першыя два месяцы бягучага года сума здзелак турэцкіх кампаній на Беларускай універсальнай таварнай біржы павялічылася ў 1,5 раза ў параўнанні з аналагічным перыядам 2024 года, дасягнуўшы адзнакі $4,8 млн, паведамілі БЕЛТА ў прэс-службе БУТБ.
У экспарце з Беларусі пераважалі абразныя піламатэрыялы хвойных парод, ільняное валакно і лом чорных металаў, у той час як з Турцыі ў асноўным імпартавалася кардавая пража, запатрабаваная ў беларускай тэкстыльнай галіне. Гэтыя даныя гучалі ў час анлайн-канферэнцыі па пытаннях развіцця гандлёва-эканамічнага супрацоўніцтва паміж Беларуссю і Турцыяй. У мерапрыемстве, арганізаваным адміністрацыяй СЭЗ "Магілёў" і Асацыяцыяй незалежных прамыслоўцаў і прадпрымальнікаў (MÜSİAD), прынялі ўдзел каля 30 прадстаўнікоў турэцкіх дзелавых колаў.
"Мінулы год можна без сумнення назваць знакавым з пункту гледжання развіцця адносін паміж Беларуссю і Турцыяй у біржавой сферы. Па-першае, удвая павялічыўся тавараабарот турэцкіх удзельнікаў таргоў: з $9,6 млн у 2023 годзе да $20,8 млн у 2024-м. Па-другое, наменклатура тавараў, уключаных у біржавы гандаль, стала больш дыверсіфікаванай. Акрамя прадукцыі дрэваапрацоўкі на турэцкі рынак мы пачалі пастаўляць цукар, пшанічны глютэн, сухое абястлушчанае малако і льняное валакно, а напрамак імпарту ўзмацніўся за кошт закупак тэкстыльнай сыравіны беларускімі прадпрыемствамі легпрама, - звярнуў увагу начальнік упраўлення знешнеэканамічнай дзейнасці БУТБ Аляксандр Башлій. - Па-трэцяе, пул карыстальнікаў біржавой пляцоўкі папоўніўся 38 новымі кампаніямі з Турцыі, што таксама станоўча паўплывала на дынаміку біржавога тавараабароту дзвюх краін".
Для высокіх тэмпаў росту беларуска-турэцкага біржавога гандлю на доўгатэрміновую перспектыву ў планах наладзіць больш цеснае супрацоўніцтва з асацыяцыяй MÜSİAD, якая аб'ядноўвае больш за 60 тыс. турэцкіх кампаній. Як лічаць спецыялісты таварнай біржы, такое ўзаемадзеянне адкрые новыя магчымасці для суб'ектаў гаспадарання Беларусі і Турцыі, прадаставіўшы ім зручную платформу для вядзення сумеснага бізнесу. На гэты час на БУТБ акрэдытаваны 107 рэзідэнтаў Турцыі.-0-
У экспарце з Беларусі пераважалі абразныя піламатэрыялы хвойных парод, ільняное валакно і лом чорных металаў, у той час як з Турцыі ў асноўным імпартавалася кардавая пража, запатрабаваная ў беларускай тэкстыльнай галіне. Гэтыя даныя гучалі ў час анлайн-канферэнцыі па пытаннях развіцця гандлёва-эканамічнага супрацоўніцтва паміж Беларуссю і Турцыяй. У мерапрыемстве, арганізаваным адміністрацыяй СЭЗ "Магілёў" і Асацыяцыяй незалежных прамыслоўцаў і прадпрымальнікаў (MÜSİAD), прынялі ўдзел каля 30 прадстаўнікоў турэцкіх дзелавых колаў.
"Мінулы год можна без сумнення назваць знакавым з пункту гледжання развіцця адносін паміж Беларуссю і Турцыяй у біржавой сферы. Па-першае, удвая павялічыўся тавараабарот турэцкіх удзельнікаў таргоў: з $9,6 млн у 2023 годзе да $20,8 млн у 2024-м. Па-другое, наменклатура тавараў, уключаных у біржавы гандаль, стала больш дыверсіфікаванай. Акрамя прадукцыі дрэваапрацоўкі на турэцкі рынак мы пачалі пастаўляць цукар, пшанічны глютэн, сухое абястлушчанае малако і льняное валакно, а напрамак імпарту ўзмацніўся за кошт закупак тэкстыльнай сыравіны беларускімі прадпрыемствамі легпрама, - звярнуў увагу начальнік упраўлення знешнеэканамічнай дзейнасці БУТБ Аляксандр Башлій. - Па-трэцяе, пул карыстальнікаў біржавой пляцоўкі папоўніўся 38 новымі кампаніямі з Турцыі, што таксама станоўча паўплывала на дынаміку біржавога тавараабароту дзвюх краін".
Для высокіх тэмпаў росту беларуска-турэцкага біржавога гандлю на доўгатэрміновую перспектыву ў планах наладзіць больш цеснае супрацоўніцтва з асацыяцыяй MÜSİAD, якая аб'ядноўвае больш за 60 тыс. турэцкіх кампаній. Як лічаць спецыялісты таварнай біржы, такое ўзаемадзеянне адкрые новыя магчымасці для суб'ектаў гаспадарання Беларусі і Турцыі, прадаставіўшы ім зручную платформу для вядзення сумеснага бізнесу. На гэты час на БУТБ акрэдытаваны 107 рэзідэнтаў Турцыі.-0-
Падпісвайцеся на нас у
