Сцяг Нядзеля, 19 мая 2024
Усе навіны
Усе навіны
Эканоміка
23 лютага 2023, 16:48

Бездазвольная сістэма перавозак і прамыя авіязносіны. Беларусь і Іран развіваюць супрацоўніцтва

23 лютага, Мінск /Кар. БЕЛТА/. Беларусь і Іран развіваюць супрацоўніцтва ў транспартнай сферы. Аб гэтым ішла размова ў час сустрэчы міністра транспарту і камунікацый Беларусі Аляксея Аўраменкі з намеснікам міністра прамысловасці, шахт і гандлю Ірана Сеедам Махамадам Мусаві, паведамілі БЕЛТА ў прэс-службе Мінтранса.

Перш за ўсё Аляксей Аўраменка адзначыў шматгадовы пазітыўны вопыт супрацоўніцтва дзвюх краін па ўсіх аспектах эканамічнага ўзаемадзеяння. Што датычыцца транспартнай сферы, то ён падкрэсліў развітасць дагаворна-прававой базы паміж дзяржавамі. Акрамя таго, у высокай ступені гатоўнасці да падпісання знаходзіцца дакумент, які ўстанаўлівае бездазвольны парадак міжнародных аўтамабільных перавозак грузаў. Гэта дасць магчымасць лагістычным кампаніям шырэй выкарыстоўваць патэнцыял аўтамабільнага транспарту пры пабудове новых схем перавозак у зносінах Беларусь-Іран.

У галіне паветранага транспарту авіяцыйнымі адміністрацыямі праведзена работа па адкрыцці зносін Тэгеран-Мінск-Тэгеран. У планах выкананне рэгулярных рэйсаў іранскай авіякампаніяй Mahan Air у вясенне-летні сезон бягучага года. Таксама прапрацоўваецца пытанне падпісання пагаднення аб лётнай прыгоднасці паміж авіяўладамі.

Аляксей Аўраменка адзначыў, што на сучасным этапе развіцця сусветнай эканомікі адбываюцца вялікія змяненні. "У існуючай сітуацыі важным бачыцца аператыўнае вырашэнне задач па забеспячэнні ўстойлівага функцыянавання транспарту і яго інфраструктуры, пошуку новых маршрутаў дастаўкі тавараў, уключаючы выкарыстанне мульты- і інтэрмадальных схем транспарціроўкі, укараненні перадавых лагістычных тэхналогій", - сказаў міністр.

Паводле яго слоў, у гэтым аспекце асаблівы інтарэс выклікае развіццё перавозак з выкарыстаннем інфраструктуры міжнароднага транспартнага калідора Поўнач-Поўдзень. Прытым не толькі паміж Беларуссю, Іранам і іншымі краінамі Персідскага заліва, але і Індыяй, Пакістанам, у тым ліку з выкарыстаннем магчымасцей марскога транспарту.

У сваю чаргу Сеед Махамад Мусаві падкрэсліў, што краіны павінны не спыняцца на дасягнутых выніках і прадаўжаць развіваць узаемадзеянне па намечаных напрамках.

Бакі пацвердзілі зацікаўленасць у далейшым плённым супрацоўніцтве.-0-

Падпісвайцеся на нас у
Twitter
Топ-навіны
Свежыя навіны Беларусі