Мабільная версія
ДЗЯРЖОРГАНЫ

Апошнія навіны
Усе навіны

"Белнафтахім" да канца года прыме рашэнне аб будаўніцтве на "Дружбе" вузла праверкі якасці нафты з РФ

Эканоміка 17.10.2019 | 12:49
Фота з архіва
Фота з архіва

17 кастрычніка, Мінск /Кар. БЕЛТА/. "Белнафтахім" да канца года прыме рашэнне аб будаўніцтве на магістральным нафтаправодзе "Дружба" вузла праверкі якасці нафты з РФ, паведаміў сёння журналістам намеснік старшыні канцэрна "Белнафтахім" Уладзімір Сізоў на форуме "Нафтахімія", паведамляе карэспандэнт БЕЛТА.

"Такое рашэнне цяпер у стадыі прыняцця, мы чакаем, што да канца года яно можа быць атрымана", - сказаў Уладзімір Сізоў.

Пры гэтым ён не ўдакладніў аб'ём інвестыцый, які можа спатрэбіцца для будаўніцтва вузла.

Першы намеснік генеральнага дырэктара - галоўны інжынер ААТ "Гомельтранснафта Дружба" Андрэй Верыга ў інтэрв'ю часопісу "Вестник Белнефтехима" паведамляў, што сітуацыя з паступленнем з Расіі забруджанай нафты ўнесла карэктывы ў падыходы па забеспячэнні бяспечнай і надзейнай дзейнасці беларускай часткі нафтаправода "Дружба". "Цяпер абмяркоўваем з канцэрнам "Белнафтахім" пытанні будаўніцтва вузла ўліку і вымярэння якасці на ўваходзе трубаправода ў Рэспубліку Беларусь. Гэта дало б дадатковую гарантыю бяспекі, кантролю колькасці і якасці нафты, што паступае", - растлумачыў Андрэй Верыга.

Як паведамлялася, "Белнафтахім" 19 красавіка заявіў аб рэзкім пагаршэнні якасці расійскай нафты Urals, якая паступае па трубаправодзе "Дружба". Колькасць хлорарганічных злучэнняў у саставе нафты ў дзясяткі разоў перасягала гранічныя значэнні па стандарце. У выніку шэраг краін перастаў прымаць і перапрацоўваць расійскую нафту. Абодва беларускія нафтаперапрацоўчыя заводы - Мазырскі НПЗ і ААТ "Нафтан" - вымушаны былі знізіць загрузку магутнасцей і панеслі страты, урон быў нанесены і трубаправоднай сістэме.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Маладзёжны чэмпіянат свету па хакеі ў Мінску Беларусь атрымала права прыняць маладзёжны (U-20) чэмпіянат свету ў першым дывізіёне на кангрэсе Міжнароднай федэрацыі хакея ў Браціславе.