Фота з архіва
14 студзеня, Мінск /Кар. БЕЛТА/. На грамадскае абмеркаванне канцэрнам "Беллеспаперапрам" вынесены праект пастановы Савета Міністраў "Аб ліцэнзаванні імпарту асобных відаў тавараў з драўніны", паведамляе БЕЛТА са спасылкай на Нацыянальны прававы інтэрнэт-партал.
Праект пастановы прадугледжвае ўвядзенне Беларуссю ў аднабаковым парадку часовай меры нетарыфнага рэгулявання, якая абмяжоўвае ўвоз у рэспубліку шэрага тавараў тэрмінам на паўгода шляхам выдачы ліцэнзіі.
Мяркуецца, што ліцэнзаванне імпарту пазначаных у праекце пастановы тавараў будзе садзейнічаць змяншэнню прытоку імпартнай прадукцыі ў Беларусь, павелічэнню аб'ёмаў выпуску і рэалізацыі імпартазамяшчальнай прадукцыі на ўнутраным рынку ў сувязі з вымушанай пераарыентацыяй збыту на фоне ўвядзення шэрагам краін эканамічных санкцый адносна імпарту беларускіх тавараў.
На гэты момант у рэспубліцы створаны і нарошчваюцца магутнасці па вытворчасці мелаванага кардону, гафрыраванага кардону, папяровых мяшкоў, драўнянавалакністых і драўнянастружкавых пліт. Як было адзначана, гэтыя магутнасці могуць у поўным аб'ёме пакрыць усю патрэбнасць унутранага рынку рэспублікі, замясціўшы імпартныя пастаўкі аналагічных відаў прадукцыі.
"Прымяненне працэдуры ліцэнзавання павялічыць гандлёвую незалежнасць краіны, прастымулюе вытворчасць на ўнутраным рынку, дапаможа айчынным вытворцам павысіць эфектыўнасць вытворчасці і забяспечыць нарошчванне сваёй прысутнасці на ўнутраным рынку, будзе садзейнічаць павелічэнню долі айчынных тавараў аж да поўнага замяшчэння імпартных аналагаў", - лічаць у канцэрне лясной, дрэваапрацоўчай і цэлюлозна-папяровай прамысловасці.
Заўвагі і прапановы можна выказаць у спецыяльнай тэме на Прававым форуме Беларусі з 14 па 24 студзеня. Арганізатарам грамадскага абмеркавання выступае канцэрн "Беллеспаперапрам".-0-
Праект пастановы прадугледжвае ўвядзенне Беларуссю ў аднабаковым парадку часовай меры нетарыфнага рэгулявання, якая абмяжоўвае ўвоз у рэспубліку шэрага тавараў тэрмінам на паўгода шляхам выдачы ліцэнзіі.
Мяркуецца, што ліцэнзаванне імпарту пазначаных у праекце пастановы тавараў будзе садзейнічаць змяншэнню прытоку імпартнай прадукцыі ў Беларусь, павелічэнню аб'ёмаў выпуску і рэалізацыі імпартазамяшчальнай прадукцыі на ўнутраным рынку ў сувязі з вымушанай пераарыентацыяй збыту на фоне ўвядзення шэрагам краін эканамічных санкцый адносна імпарту беларускіх тавараў.
На гэты момант у рэспубліцы створаны і нарошчваюцца магутнасці па вытворчасці мелаванага кардону, гафрыраванага кардону, папяровых мяшкоў, драўнянавалакністых і драўнянастружкавых пліт. Як было адзначана, гэтыя магутнасці могуць у поўным аб'ёме пакрыць усю патрэбнасць унутранага рынку рэспублікі, замясціўшы імпартныя пастаўкі аналагічных відаў прадукцыі.
"Прымяненне працэдуры ліцэнзавання павялічыць гандлёвую незалежнасць краіны, прастымулюе вытворчасць на ўнутраным рынку, дапаможа айчынным вытворцам павысіць эфектыўнасць вытворчасці і забяспечыць нарошчванне сваёй прысутнасці на ўнутраным рынку, будзе садзейнічаць павелічэнню долі айчынных тавараў аж да поўнага замяшчэння імпартных аналагаў", - лічаць у канцэрне лясной, дрэваапрацоўчай і цэлюлозна-папяровай прамысловасці.
Заўвагі і прапановы можна выказаць у спецыяльнай тэме на Прававым форуме Беларусі з 14 па 24 студзеня. Арганізатарам грамадскага абмеркавання выступае канцэрн "Беллеспаперапрам".-0-
Падпісвайцеся на нас у
