ДЗЯРЖОРГАНЫДЗЯРЖОРГАНЫ
Панядзелак, 28 верасня 2020
Мінск Воблачна з праясненнямі +13°C
Усе навіны
Усе навіны
Эканоміка
03 жніўня 2020, 17:40

Белкаапсаюз павялічыў нарыхтоўку чарніц

Фота з архіва
Фота з архіва

3 жніўня, Мінск /Кар. БЕЛТА/. Белкаапсаюз павялічыў нарыхтоўку чарніц на 5 працэнтаў, паведаміла карэспандэнту БЕЛТА начальнік упраўлення нарыхтовак Белкаапсаюза Аксана Скіндэр.

"Цяпер арганізацыі спажывецкай кааперацыі закупляюць дзікарослую прадукцыю. Паводле даных на канец ліпеня, закуплена 1,6 тыс. т чарніц, тэмп росту да аналагічнага перыяду 2019 года - 105 працэнтаў. Арганізацыі спажыўкааперацыі закупляюць у насельніцтва чарніцы па Br3,5-4,5 за 1 кг", - паведаміла Аксана Скіндэр.

Прадаўжаецца нарыхтоўка агародніны. Цяпер закуплена 4,8 тыс. т агуркоў (з іх у насельніцтва 3,4 тыс. т), 2,8 тыс. т таматаў (у насельніцтва 1,2 тыс. т), 4,3 тыс. т капусты (у насельніцтва 3,5 тыс. т). Закупачныя цэны на агуркі склаліся на ўзроўні Br0,8-1,1 за 1 кг, на таматы - Br1,8-2,3 за кг, на капусту ўраджаю 2020 года - Br0,4-0,45 за кг.

У сезон масавых нарыхтовак працуе рэспубліканскі штаб спажывецкай кааперацыі з пастаяннай прысутнасцю адказнага работніка ў найбольш рэсурсных зонах агародніннай прадукцыі: агуркі, таматы, капуста - у Столінскім і Пінскім раёнах, садовых суніц - у Лунінецкім, Драгічынскім і Іванаўскім раёнах.

Нарыхтоўчыя арганізацыі спажыўкааперацыі ў 2020 годзе плануюць закупіць звыш 80 тыс.т пладоў і ягад (з іх 1,3 тыс. т садовых суніц), 48 тыс. т агародніны (з іх 7,9 тыс. т агуркоў, 5,1 тыс. т таматаў). Аб'ёмы перапрацоўкі плодаагародніннай і ягаднай сыравіны ў сістэме спажыўкааперацыі плануецца павялічыць у 1,5 раза ў параўнанні з 2019 годам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі