4 студзеня, Мінск /Кар. БЕЛТА/. Небяспечных для азімых тэмператур у бліжэйшы час не чакаецца, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Аграметэаралагічныя ўмовы для азімых культур складаюцца здавальняюча. У бліжэйшы час абстаноўка істотна не зменіцца, небяспечных для азімых пасеваў нізкіх тэмператур не чакаецца", - расказалі ў Белгідрамеце.
У апошнія дні пад уплывам адлігі ў большасці раёнаў Беларусі снежнае покрыва на палях практычна разбурылася, па паўднёвым захадзе пачалося адтаванне глебы. Па выніках назіранняў тэмпература глебы на глыбіні знаходжання вузла кушчэння азімых збожжавых культур і каранёвай шыйкі шматгадовых траў знаходзіцца вышэй за аптымальныя значэнні, расліны страчваюць загартоўку.-0-