Сцяг Аўторак, 19 сакавіка 2024
Усе навіны
Усе навіны
Эканоміка
29 сакавіка 2023, 12:09

БЕЛАЗ у 2022 годзе адгрузіў у Расію прадукцыі на больш як $800 млн

29 сакавіка, Мінск /Кар. БЕЛТА/. Беларускі аўтамабільны завод у 2022 годзе адгрузіў у Расію прадукцыі на суму больш як $800 млн. Аб гэтым у YouTube-праекце БЕЛТА "Па факце: рашэнні Першага" расказаў намеснік генеральнага дырэктара па маркетынгавай і экспартнай палітыцы ААТ "БЕЛАЗ" Васіль Шостак.

"Нягледзячы на значныя ўзрушэнні, мы вельмі паспяхова завяршылі 2022 год. Толькі ў Расійскую Федэрацыю адгружана прадукцыі на суму звыш $800 млн. Гэта 866 кар'ерных самазвалаў рознага класа грузападымальнасці, спецтэхніка, машыны для падземных работ", - адзначыў Васіль Шостак.

Паводле яго слоў, 2022 год для БЕЛАЗа стаў адным з самых паспяховых у гісторыі па аб'ёмах адгрузкі тэхнікі на расійскі рынак у грашовым выражэнні. У цэлым жа агульная сума рэалізацыі прадукцыі і зусім перасягнула $1 млрд.

"Першы квартал бягучага года мы таксама пачалі даволі добра, упэўнена. Па цяперашнім партфелі заказаў мяркуем, што нам удасца ў 2023 годзе перасягнуць вынікі 2022-га", - заявіў намеснік генеральнага дырэктара.-0-

Праект створаны за кошт сродкаў мэтавага збору на вытворчасць нацыянальнага кантэнту.

Падпісвайцеся на нас у
Twitter
Топ-навіны
Свежыя навіны Беларусі