12 студзеня, Мінск /Кар. БЕЛТА/. Шэсць кар'ерных самазвалаў БЕЛАЗ-75306 грузападымальнасцю 220 т паступілі на разрэз "Бярозаўскі" (АТ "Будсэрвіс", Расія), паведамілі БЕЛТА ў прэс-службе прадпрыемства.
Новая тэхніка адпавядае міжнародным экалагічным стандартам і прыстасавана да работы ў складаных кліматычных умовах з выкарыстаннем гаруча-змазачных матэрыялаў расійскай вытворчасці.
"Цяпер ідзе зборка новых машын, а таксама фарміраванне экіпажаў для БЕЛАЗаў, аснову якіх складуць перадавікі вытворчасці пад кіраўніцтвам брыгадзіраў - пераможцаў карпаратыўных конкурсаў прафесійнага майстэрства", - адзначылі ў прэс-службе.
ААТ "БЕЛАЗ" - кіруючая кампанія холдынга "БЕЛАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы вялікі ў свеце кар'ерны самазвал грузападымальнасцю 450 т.-0-
