7 чэрвеня, Мінск /Кар. БЕЛТА/. Пастаўка 128 самазвалаў грузападымальнасцю ад 55 да 220 т на агульную суму больш за $260 млн - такі вынік выстаўкі "Вугаль Расіі і Майнінг" (Кемераўская вобласць), у якой прынялі ўдзел БЕЛАЗ, Гандлёвы Дом "БЕЛАЗ" і афіцыйны дылер у рэгіёне - кампанія "БЕЛАЗ-24", паведамілі БЕЛТА ў прэс-службе прадпрыемства.
Гэтыя пагадненні сталі вынікам важнейшых перагавораў з такімі кампаніямі, як АТ "Міжрэчча" (ТАА "Холдынг Сібуглемет"), ТАА "Участак "Коксавы" (ТАА КК "ПМХ"), ТАА "Распадская вугальная кампанія" (АТ "Распадская-Коксавая"), АТ "ГІЛК".
БЕЛАЗ таксама падпісаў пагадненне з кампаніяй "ТЭХНАЭКА" аб пастаўках абсталявання для аснашчэння кар'ерных самазвалаў газадызельнымі рухавікамі з наступным іх сэрвісным абслугоўваннем у эксплуатацыі.
ААТ "БелАЗ" - кіруючая кампанія холдынга "БелАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы вялікі ў свеце кар'ерны самазвал грузападымальнасцю 450 т.-0-
