Сцяг Чацвер, 28 сакавіка 2024
Усе навіны
Усе навіны
Эканоміка
14 жніўня 2019, 10:59

БелАЗ пачаў пастаўкі 90-тонных самазвалаў для расійскага Прамыслова-металургічнага холдынга

14 жніўня, Мінск /Кар. БЕЛТА/. БелАЗ пачаў пастаўкі 90-тонных самазвалаў для ўчастка "Коксавы", што ўваходзіць у Прамыслова-металургічны холдынг Расіі, паведамілі БЕЛТА на прадпрыемстве.

Больш за палавіну пастаўленай у гэтым годзе партыі тэхнікі сабрана і працуе. Усяго ў адпаведнасці з дагаворам, падпісаным у чэрвені ў час міжнароднай выстаўкі "Вугаль Расіі і Майнінг-2019" у Новакузнецку, на расійскае прадпрыемства да канца бягучага года паступіць 21 кар'ерны самазвал БЕЛАЗ-75581 і 10 - БЕЛАЗ-75585. Новыя машыны дадуць магчымасць цалкам мадэрнізаваць парк грузападымальнай тэхнікі ўчастка.

ААТ "БелАЗ" - кіруючая кампанія холдынга "БелАЗ-Холдынг" (Жодзіна) - буйнейшы сусветны вытворца кар'ерных самазвалаў вялікай і асабліва вялікай грузападымальнасці, а таксама іншага цяжкага транспартнага абсталявання, што прымяняецца ў горназдабыўной і будаўнічай галінах.

Кампанія першай на сусветным рынку кар'ернай тэхнікі прапанавала 90-тонны кар'ерны самазвал з электрамеханічнай трансмісіяй, задавольваючы попыт на тэхніку з нізкім сабекоштам эксплуатацыі і высокімі тэхніка-эканамічнымі паказчыкамі.-0-

Падпісвайцеся на нас у
Twitter
Топ-навіны
Свежыя навіны Беларусі