21 сакавіка, Мінск /Кар. БЕЛТА/. Жыхары Беларусі ў 2019 годзе будуць пакрываць каля 80,5 працэнта затрат на аказанне жыллёва-камунальных паслуг з улікам павышэння тарыфаў з 1 студзеня, паведаміў сёння на прэс-канферэнцыі намеснік начальніка ўпраўлення паліўна-энергетычнага комплексу, нафтахіміі і жыллёва-камунальнай гаспадаркі Міністэрства антыманапольнага рэгулявання і гандлю Беларусі Дзмітрый Бурдзюгоў, перадае карэспандэнт БЕЛТА.
"Падлічана ўжо, што на 2019 год з улікам павелічэння тарыфаў з 1 студзеня сярэдні працэнт пакрыцця па ўсім комплексе ЖКП будзе 80,5 працэнта, па электраэнергіі - 100 працэнтаў", - адзначыў Дзмітрый Бурдзюгоў.
Што датычыцца газазабеспячэння, то стапрацэнтнае пакрыццё затрат будзе забяспечана толькі па газавых плітах. Па цеплавой энергіі, што затрачваецца на ацяпленне, размова ідзе аб пакрыцці насельніцтвам да 20 працэнтаў затрат. "Гэта ацэначныя паказчыкі, якія будуць удакладнены ў канцы года", - сказаў Дзмітрый Бурдзюгоў.-0-