14 жніўня, Гомель /Валерый Сідорчык - БЕЛТА/. Аб'яднанне "Беларуснафта" пачало рэалізацыю праекта па стварэнню ў рэспубліцы сеткі электразарадных станцый для абслугоўвання ўладальнікаў электрамабіляў. Аб гэтым карэспандэнту БЕЛТА паведамілі ў прэс-службе прадпрыемства.
Завяршаецца распрацоўка адпаведнага праграмнага забеспячэння, праводзіцца тэндар на закупку спецыяльнага абсталявання. Прынята рашэнне на пачатковым этапе праекта ўстанавіць гэта абсталяванне на чатырох аўтазаправачных станцыях фірменнай сеткі "Беларуснафта", у тым ліку адна з іх будзе размешчана ў Мінску.
Месцы размяшчэння электразарадных станцый выбраны з улікам максімальнай зручнасці для будучых кліентаў. Для наладжвання схемы абслугоўвання "Беларуснафта" плануе набыць электрамабіль.
Паводле ацэнак спецыялістаў, цяпер "Беларуснафта" з'яўляецца буйнейшым на тэрыторыі рэспублікі аператарам у сферы рознічнай рэалізацыі нафтапрадуктаў, а таксама сціснутага прыроднага газу. На яго долю прыпадае да 70 працэнтаў аб'ёму продажу аўтамабільнага паліва ў розніцу ў Беларусі. У фірменнай сетцы налічваецца больш як 510 прадпрыемстваў, што складае дзве трэці ўсіх аўтазаправачных комплексаў краіны.
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу, працуе ў нафтавай сферы іншых краін, у тым ліку ў Расіі, Украіне, Венесуэле, Эквадоры.
Завяршаецца распрацоўка адпаведнага праграмнага забеспячэння, праводзіцца тэндар на закупку спецыяльнага абсталявання. Прынята рашэнне на пачатковым этапе праекта ўстанавіць гэта абсталяванне на чатырох аўтазаправачных станцыях фірменнай сеткі "Беларуснафта", у тым ліку адна з іх будзе размешчана ў Мінску.
Месцы размяшчэння электразарадных станцый выбраны з улікам максімальнай зручнасці для будучых кліентаў. Для наладжвання схемы абслугоўвання "Беларуснафта" плануе набыць электрамабіль.
Паводле ацэнак спецыялістаў, цяпер "Беларуснафта" з'яўляецца буйнейшым на тэрыторыі рэспублікі аператарам у сферы рознічнай рэалізацыі нафтапрадуктаў, а таксама сціснутага прыроднага газу. На яго долю прыпадае да 70 працэнтаў аб'ёму продажу аўтамабільнага паліва ў розніцу ў Беларусі. У фірменнай сетцы налічваецца больш як 510 прадпрыемстваў, што складае дзве трэці ўсіх аўтазаправачных комплексаў краіны.
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу, працуе ў нафтавай сферы іншых краін, у тым ліку ў Расіі, Украіне, Венесуэле, Эквадоры.