24 чэрвеня, Масква /Эдуард Півавар - БЕЛТА/. Беларускія прадпрыемствы "Гомсельмаш", МТЗ, "Амкадор" прадставілі сваю тэхніку ў Алтайскім краі на міжрэгіянальным аграфоруме "Дзень сібірскага поля - 2019", паведамілі БЕЛТА ў прэс-службе пасольства Беларусі ў Расіі.
"Удзельнікі аграфоруму адзначылі, што беларуская сельгастэхніка карыстаецца заслужаным аўтарытэтам у аграрыяў Сібіры. Асобныя ўзоры былі рэалізаваны з дэманстрацыйнага поля", - праінфармавалі ў дыпмісіі.
У цырымоніі адкрыцця форуму ўдзельнічалі паўнамоцны прадстаўнік прэзідэнта Расіі ў Сібірскай федэральнай акрузе Сяргей Мяняйла, губернатар Алтайскага края Віктар Таменка. У мерапрыемствах аграфоруму прыняў удзел кіраўнік новасібірскага аддзялення пасольства Беларусі ў Расіі Андрэй Гасюк.-0-
Фота пасольства Беларусі ў Расіі