Фота з архіва
29 мая, Мінск /Кар. БЕЛТА/. Патрэбы ўнутранага рынку ў сельскагаспадарчай тэхніцы беларускія вытворцы закрываюць больш як на 90 працэнтаў, па некаторых пазіцыях яны дасягаюць адзнакі 100 працэнтаў. Такія лічбы на палях дзелавой канферэнцыі "Прамысловы комплекс Рэспублікі Беларусь у Год якасці" агучыў намеснік генеральнага дырэктара па навуковай рабоце Навукова-практычнага цэнтра Нацыянальнай акадэміі навук Беларусі па механізацыі сельскай гаспадаркі Мікалай Бакач, перадае карэспандэнт БЕЛТА.
Экспартуецца беларуская сельгастэхніка ў асноўным у Расію, Казахстан, Узбекістан. Добра знаёма якасць сельскагаспадарчых машын, вырабленых у Беларусі, на азіяцкім і афрыканскім рынках. Асвоены і сумесныя вытворчасці ў рамках прамысловай кааперацыі.
"У гады СССР Беларусь вырабляла толькі 10-12 працэнтаў сельскагаспадарчых машын ад сваіх патрэб. Шмат сельгастэхнікі завозілася з Казахстана і Расіі, якія, у сваю чаргу, карысталіся ў тым ліку беларускімі машынамі. Калі Савецкі Саюз распаўся, у Беларусь хлынуў імпарт. Тады і абазначылася праблема: завозімая тэхніка не была адаптавана да ўмоў Беларусі, акрамя таго, яе было складана адрамантаваць. Здаралася, запчасткі каштавалі даражэй за ўсю машыну. Спажыўцы сталі задаваць пытанні, маўляў, дзе наша навука, давайце распрацоўваць і выпускаць сваю сельгастэхніку. Урадам была пастаўлена задача, палажэнні якой пастаянна ўдасканальваюцца, а мы працуем над яе рэалізацыяй", - расказаў Мікалай Бакач.
Яшчэ 20 гадоў таму беларускія вытворцы паспяхова справіліся з задачай па замене імпартнай тэхнікі беларускімі аналагамі. Сёння вучоныя і інжынеры з дапамогай праграмістаў працуюць над распрацоўкай і ўдасканаленнем сістэм дакладнага земляробства, якія дапамогуць выключыць з вытворчых цыклаў чалавечы фактар і знізіць уплыў умоў надвор'я. І гэта толькі адзін з перспектыўных напрамкаў работы беларускай навуковай думкі. "Задач вельмі шмат, і іх кола вельмі шырокае. Тым цікавей працаваць", - заўважыў Мікалай Бакач.
Дзелавая канферэнцыя "Прамысловы комплекс Рэспублікі Беларусь у Год якасці" праводзіцца ўпершыню. Арганізатары ставяць перад сабой задачу прадставіць вопыт і напрацоўкі айчынных прамысловых прадпрыемстваў ва ўдасканаленні якасці выпускаемай прадукцыі, актывізацыі інавацыйнай дзейнасці і выпуску высокатэхналагічнай прадукцыі. Прадугледжваецца, што канферэнцыя пасадзейнічае абмену вопытам і перадавымі практыкамі паміж спецыялістамі прадпрыемстваў і стварэнню ўмоў для з'яўлення новых кантактаў, пошуку партнёраў і наладжвання кааперацыйных сувязей. Форум праводзіцца пры садзейнічанні і актыўным удзеле міністэрстваў і канцэрнаў, якія рэгулююць дзейнасць прадпрыемстваў васьмі галін прамысловасці. Арганізатарамі канферэнцыі выступаюць Мінскі гарадскі тэхнапарк і аргкамітэт рэспубліканскага конкурсу "Лідары прамысловасці Рэспублікі Беларусь-2024".-0-
Экспартуецца беларуская сельгастэхніка ў асноўным у Расію, Казахстан, Узбекістан. Добра знаёма якасць сельскагаспадарчых машын, вырабленых у Беларусі, на азіяцкім і афрыканскім рынках. Асвоены і сумесныя вытворчасці ў рамках прамысловай кааперацыі.
"У гады СССР Беларусь вырабляла толькі 10-12 працэнтаў сельскагаспадарчых машын ад сваіх патрэб. Шмат сельгастэхнікі завозілася з Казахстана і Расіі, якія, у сваю чаргу, карысталіся ў тым ліку беларускімі машынамі. Калі Савецкі Саюз распаўся, у Беларусь хлынуў імпарт. Тады і абазначылася праблема: завозімая тэхніка не была адаптавана да ўмоў Беларусі, акрамя таго, яе было складана адрамантаваць. Здаралася, запчасткі каштавалі даражэй за ўсю машыну. Спажыўцы сталі задаваць пытанні, маўляў, дзе наша навука, давайце распрацоўваць і выпускаць сваю сельгастэхніку. Урадам была пастаўлена задача, палажэнні якой пастаянна ўдасканальваюцца, а мы працуем над яе рэалізацыяй", - расказаў Мікалай Бакач.
Яшчэ 20 гадоў таму беларускія вытворцы паспяхова справіліся з задачай па замене імпартнай тэхнікі беларускімі аналагамі. Сёння вучоныя і інжынеры з дапамогай праграмістаў працуюць над распрацоўкай і ўдасканаленнем сістэм дакладнага земляробства, якія дапамогуць выключыць з вытворчых цыклаў чалавечы фактар і знізіць уплыў умоў надвор'я. І гэта толькі адзін з перспектыўных напрамкаў работы беларускай навуковай думкі. "Задач вельмі шмат, і іх кола вельмі шырокае. Тым цікавей працаваць", - заўважыў Мікалай Бакач.
Дзелавая канферэнцыя "Прамысловы комплекс Рэспублікі Беларусь у Год якасці" праводзіцца ўпершыню. Арганізатары ставяць перад сабой задачу прадставіць вопыт і напрацоўкі айчынных прамысловых прадпрыемстваў ва ўдасканаленні якасці выпускаемай прадукцыі, актывізацыі інавацыйнай дзейнасці і выпуску высокатэхналагічнай прадукцыі. Прадугледжваецца, што канферэнцыя пасадзейнічае абмену вопытам і перадавымі практыкамі паміж спецыялістамі прадпрыемстваў і стварэнню ўмоў для з'яўлення новых кантактаў, пошуку партнёраў і наладжвання кааперацыйных сувязей. Форум праводзіцца пры садзейнічанні і актыўным удзеле міністэрстваў і канцэрнаў, якія рэгулююць дзейнасць прадпрыемстваў васьмі галін прамысловасці. Арганізатарамі канферэнцыі выступаюць Мінскі гарадскі тэхнапарк і аргкамітэт рэспубліканскага конкурсу "Лідары прамысловасці Рэспублікі Беларусь-2024".-0-
