ДЗЯРЖОРГАНЫДЗЯРЖОРГАНЫ
Панядзелак, 25 мая 2020
Мінск Пераменная воблачнасць +11°C
Усе навіны
Усе навіны
Эканоміка
19 лютага 2020, 16:00

Беларускія прадпрыемствы падпішуць у Каіры кантракты не менш як на $16 млн

Фота з архіва
Фота з архіва

19 лютага, Мінск /Кар. БЕЛТА/. Беларускія прадпрыемствы падпішуць у Егіпце кантракты не менш як на $16 млн. Аб гэтым старшыня БелГПП Уладзімір Улаховіч расказаў сёння журналістам у кулуарах прэзідэнцкіх перагавораў у Каіры, перадае карэспандэнт БЕЛТА.

У гэтыя дні ў Каіры праходзіць кантактна-кааперацыйная біржа. Перагаворы праводзяць больш як 30 беларускіх і каля 120 егіпецкіх кампаній. Акрамя таго, дзелавыя колы сустрэнуцца на Беларуска-егіпецкім савеце дзелавога супрацоўніцтва, які пройдзе ў фармаце бізнес-форуму.

"На самім форуме ў нас да падпісання ўжо гатовы кантракты прыкладна на $16 млн на пастаўку беларускай прадукцыі", - расказаў Уладзімір Улаховіч.

Асноўная маса дамоўленасцей заключана ў машынабудаванні. Прычым больш за палову гэтай сумы прыпадзе на Мінскі трактарны завод: прадпрыемства рыхтуецца заключыць кантракты на $9 млн.

Старшыня БелГПП не выключае, што ў бліжэйшыя дні агульная сума пагадненняў павялічыцца за кошт іншых прадпрыемстваў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі