Фота Мінбудархітэктуры
10 чэрвеня, Мінск /Кар. БЕЛТА/. З 2020 года беларускія будаўнікі рэалізавалі ў Варонежскай вобласці праекты на суму 9,4 млрд расійскіх рублёў, паведамілі БЕЛТА ў Міністэрстве архітэктуры і будаўніцтва.
Пілотны праект быў рэалізаваны ў 2021 годзе, калі ў эксплуатацыю ўвялі школу на 520 месцаў у пасёлку Стрэліца. Урачыстае адкрыццё новай установы адукацыі адбылося ў жніўні 2021 года.
2023 год вызначыўся рэалізацыяй адразу трох праектаў. "Беларускі квартал" індывідуальнай жылой забудовы з прымяненнем домакамплектаў шклоўскага завода быў створаны ва ўзорнай экавёсцы Лушнікоўка. У вёсцы Сямілукі дзякуючы намаганням беларускіх будаўнікоў з'явіліся школа на 500 месцаў і дзіцячы сад на 220 месцаў. У жніўні 2023 года ў Варонежы быў адкрыты адукацыйны цэнтр на 2860 месцаў, які з'яўляецца буйнейшай школай у Расіі.
Як удакладнілі ў Мінбудархітэктуры, над рэалізацыяй шэрага праектаў у Варонежскай вобласці беларускія будаўнікі яшчэ працуюць. Напрыклад, у красавіку 2024 года пачалося будаўніцтва ў Варонежы дзіцячага сада на 600 месцаў. Увесці аб'ект пастараюцца ў чэрвені 2025 года. Узводзіцца ў Варонежскай вобласці таксама вытворчасць па ўтылізацыі шын, будаўніцтва было пачата ў жніўні 2023 года, нарматыўны тэрмін завяршэння - сакавік 2025 года. Неабходныя працэдуры ўводу ў эксплуатацыю цяпер праходзіць спартыўны стадыён "Факел" умяшчальнасцю 10 тыс. месцаў.-0-
Пілотны праект быў рэалізаваны ў 2021 годзе, калі ў эксплуатацыю ўвялі школу на 520 месцаў у пасёлку Стрэліца. Урачыстае адкрыццё новай установы адукацыі адбылося ў жніўні 2021 года.
2023 год вызначыўся рэалізацыяй адразу трох праектаў. "Беларускі квартал" індывідуальнай жылой забудовы з прымяненнем домакамплектаў шклоўскага завода быў створаны ва ўзорнай экавёсцы Лушнікоўка. У вёсцы Сямілукі дзякуючы намаганням беларускіх будаўнікоў з'явіліся школа на 500 месцаў і дзіцячы сад на 220 месцаў. У жніўні 2023 года ў Варонежы быў адкрыты адукацыйны цэнтр на 2860 месцаў, які з'яўляецца буйнейшай школай у Расіі.
Як удакладнілі ў Мінбудархітэктуры, над рэалізацыяй шэрага праектаў у Варонежскай вобласці беларускія будаўнікі яшчэ працуюць. Напрыклад, у красавіку 2024 года пачалося будаўніцтва ў Варонежы дзіцячага сада на 600 месцаў. Увесці аб'ект пастараюцца ў чэрвені 2025 года. Узводзіцца ў Варонежскай вобласці таксама вытворчасць па ўтылізацыі шын, будаўніцтва было пачата ў жніўні 2023 года, нарматыўны тэрмін завяршэння - сакавік 2025 года. Неабходныя працэдуры ўводу ў эксплуатацыю цяпер праходзіць спартыўны стадыён "Факел" умяшчальнасцю 10 тыс. месцаў.-0-
