Сцяг Пятніца, 29 сакавіка 2024
Усе навіны
Усе навіны
Эканоміка
07 верасня 2017, 10:00

Беларускія аграрыі ў 2017 годзе змогуць сабраць ураджай 10 млн т - Заяц

7 верасня, Мінск /Кар. БЕЛТА/. Беларускія аграрыі ў 2017 годзе змогуць сабраць ураджай 10 млн т, заявіў міністр сельскай гаспадаркі і харчавання Леанід Заяц у эфіры праграмы "Актуальнае інтэрв'ю" на тэлеканале "Беларусь 1", паведамляе БЕЛТА.

"У цэлым, мы плануем сабраць у грамадскім сектары сёння амаль 7,9 млн т збожжавых і зернебабовых. Акрамя гэтага, у нас яшчэ ёсць падсобныя гаспадаркі, дзе намалот складзе 260 тыс. т збожжа. У цэлым ураджай збожжавых чакаецца больш як 8,1 млн т. Таксама маем намер забяспечыць валавы намалот алейнага семя рапсу ў памеры 730 тыс. т. Чакаем добры ўраджай кукурузы ў бягучым годзе. У канчатковым выніку гэта прынясе нам агульны каравай 10 млн т", - падкрэсліў Леанід Заяц.

Уборачная кампанія ідзе да завяршэння. "Пры гэтым да завяршэння мы ідзём з перамогай - засталося ўбраць менш як 3 працэнты плошчаў, у асноўным у Віцебскай вобласці", - адзначыў ён.

Леанід Заяц растлумачыў, што будзе зроблены запас пшаніцы для хлебапячэння і вытворчасці макаронных вырабаў, азімага жыта, іншых відаў збожжа, каб мець запас і на 2018-2019 гады. "Гэта дасць нам магчымасць забяспечыць рэалізацыю на экспарт прадукцыі з высокай дабаўленай вартасцю - жытняй мукі, пшанічнай мукі, круп, а значыць, дадаткова зарабіць валюту для краіны", - канстатаваў ён.-0-

Падпісвайцеся на нас у
Twitter
Топ-навіны
Свежыя навіны Беларусі