Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Усе навіны

Беларускі бюджэт і нафтатранспартныя арганізацыі нясуць страты ад паставак няякаснай нафты - Рыбакоў

Эканоміка 26.04.2019 | 16:26

26 красавіка, Мінск /Кар. БЕЛТА/. Беларускі бюджэт і нафтатранспартныя арганізацыі нясуць страты ад паставак няякаснай нафты. Аб гэтым сёння на перагаворах беларускага, расійскага, украінскага і польскага бакоў у Мінску заявіў старшыня канцэрна "Белнафтахім" Андрэй Рыбакоў, перадае карэспандэнт БЕЛТА.

"Паступленне няякаснай сыравіны прывяло да няштатнай работы беларускіх перапрацоўчых заводаў і, як вынік, зніжэння выпрацоўкі нафтапрадуктаў і невыканання кантрактных абавязацельстваў перад спажыўцамі нашай прадукцыі. Страты нясе дзяржаўны бюджэт Беларусі і нафтатранспартныя арганізацыі", - сказаў Андрэй Рыбакоў.

Паводле слоў кіраўніка канцэрна, на працягу апошніх дзён на тэрыторыі Беларусі фіксуецца значнае перавышэнне хлорарганікі ў расійскай нафце. У далейшым беларускія лабараторныя аналізы былі зафіксаваны і пацверджаны як у Расійскай Федэрацыі, так і ў Польшчы, Украіне - па ўсёй сістэме магістральнага нафтаправода "Дружба".

Па стане на сёння, транзітны паток у нафтаправодзе спынены ва ўсіх напрамках, і значны аб'ём няякаснай нафты затрымаўся на тэрыторыі Беларусі. "Мы запрасілі ўсіх вас для выпрацоўкі адпаведных рашэнняў існуючай праблемы: аднаўленне паставак сыравіны на НПЗ і транзітнага патоку нафты. Беларускі бок мае тэхнічна дакладнае бачанне і прапановы па нармалізацыі сітуацыі", - рэзюмаваў Андрэй Рыбакоў.

Як паведамлялася, "Белнафтахім" на мінулым тыдні заявіў аб рэзкім пагаршэнні якасці расійскай экспартнай сумесі Urals, якая паступае транзітам ва ўчастак магістральнага нафтаправода ААТ "Гомельтранснафта Дружба". З-за гэтага было пашкоджана дарагое абсталяванне на Мазырскім НПЗ. Абодва беларускія нафтаперапрацоўчыя заводы - Мазырскі НПЗ і ААТ "Нафтан" - вымушаны знізіць загрузку магутнасцей і нясуць страты. Польшча 24 красавіка спыніла транзіт нафты па нафтаправодзе "Дружба" на нявызначаны тэрмін, прычынай стала адмова НПЗ у Польшчы і Германіі перапрацоўваць няякасную нафту з Расіі. Украіна вечарам 25 красавіка таксама спыніла транзіт расійскай нафты па нафтаправодзе "Дружба".-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.