Дзяніс Мялешкін
26 сакавіка, Мінск /Кар. БЕЛТА/. Больш як 170 прадстаўнікоў айчынных прадпрыемстваў сустрэліся з Надзвычайным і Паўнамоцным Паслом Ісламскай Рэспублікі Іран у Рэспубліцы Беларусь Алірэзой Санеі ў Беларускай гандлёва-прамысловай палаце. Удзельнікам сустрэчы прэзентавалі эканамічны патэнцыял і магчымасці Ірана, інфармацыю аб актуальных і перспектыўных напрамках двухбаковага гандлёва-эканамічнага супрацоўніцтва, перадае карэспандэнт БЕЛТА.
"Іран для нас з'яўляецца стратэгічным партнёрам, - сказаў намеснік старшыні БелГПП Дзяніс Мялешкін. - У нас падпісана пагадненне аб свабодным гандлі, дзе абазначаны сферы інтарэсаў нашых краін. Гэта шырокі спектр - прамысловасць, турызм, сельская гаспадарка, сыравінныя прадукты і шэраг іншых напрамкаў, дзе ў нас ёсць узаемны інтарэс".
Намеснік старшыні БелГПП адзначыў вялікі інтарэс з боку беларускага бізнесу да сустрэчы з паслом Ірана ў Беларусі. "На мерапрыемства заявілася 170 прадпрыемстваў. Члены палаты ўдзельнічаюць у ім у вочным фармаце, астатнія - анлайн. Папярэдне паслом дасягнуты дамоўленасці з некаторымі прадпрыемствамі, - адзначыў Дзяніс Мялешкін. - Гэта мерапрыемства - не толькі прэзентацыя магчымасцей, але і вырашэнне канкрэтных пытанняў бізнесу".
У ходзе сустрэчы з дзелавымі коламі Беларусі разгледжаны планы па арганізацыі беларуска-іранскіх мерапрыемстваў на бліжэйшую перспектыву, удзел у выставачна-кірмашовых мерапрыемствах. Пасля заканчэння пленарнай часткі прайшлі асобныя сустрэчы ў фармаце B2D паміж кіраўнікамі беларускіх прадпрыемстваў і прадстаўнікамі пасольства Ірана, што дасць магчымасць адразу перавесці дамоўленасці ў практычную плоскасць.-0-
"Іран для нас з'яўляецца стратэгічным партнёрам, - сказаў намеснік старшыні БелГПП Дзяніс Мялешкін. - У нас падпісана пагадненне аб свабодным гандлі, дзе абазначаны сферы інтарэсаў нашых краін. Гэта шырокі спектр - прамысловасць, турызм, сельская гаспадарка, сыравінныя прадукты і шэраг іншых напрамкаў, дзе ў нас ёсць узаемны інтарэс".
Намеснік старшыні БелГПП адзначыў вялікі інтарэс з боку беларускага бізнесу да сустрэчы з паслом Ірана ў Беларусі. "На мерапрыемства заявілася 170 прадпрыемстваў. Члены палаты ўдзельнічаюць у ім у вочным фармаце, астатнія - анлайн. Папярэдне паслом дасягнуты дамоўленасці з некаторымі прадпрыемствамі, - адзначыў Дзяніс Мялешкін. - Гэта мерапрыемства - не толькі прэзентацыя магчымасцей, але і вырашэнне канкрэтных пытанняў бізнесу".
У ходзе сустрэчы з дзелавымі коламі Беларусі разгледжаны планы па арганізацыі беларуска-іранскіх мерапрыемстваў на бліжэйшую перспектыву, удзел у выставачна-кірмашовых мерапрыемствах. Пасля заканчэння пленарнай часткі прайшлі асобныя сустрэчы ў фармаце B2D паміж кіраўнікамі беларускіх прадпрыемстваў і прадстаўнікамі пасольства Ірана, што дасць магчымасць адразу перавесці дамоўленасці ў практычную плоскасць.-0-
