ДЗЯРЖОРГАНЫДЗЯРЖОРГАНЫ
Флаг Пятніца, 14 мая 2021
Мінск Суцэльная воблачнасць +10°C
Усе навіны
Усе навіны
Эканоміка
21 красавіка 2021, 17:58

"Беларуськалій" пачаў асноўны этап праходкі на Дарасінскім рудніку

Фота з Telegram-канала ААТ "Беларуськалій"
Фота з Telegram-канала ААТ "Беларуськалій"

21 красавіка, Мінск /Кар. БЕЛТА/. ААТ "Беларуськалій" пачало асноўны этап праходкі клецявога ствала Дарасінскага рудніка, паведамляе БЕЛТА са спасылкай на Telegram-канал прадпрыемства.

Праходку і мацаванне шахтавага ствала ў замарожаных пародах падрадчыкі пачалі згодна з зацверджаным графікам. "Перш чым пачаць асноўную праходку, работнікі ААТ "Трэст Шахтаспецбуд" выканалі комплекс падрыхтоўчых работ: завяршылі мантаж праходчага палка пародапагрузачнай праходчай машынай 2КС-2У40, нарасцілі металічную секцыйную апалубку дыяметрам 9 м да вышыні 4,5 м", - гаворыцца ў паведамленні.

Праходка і мацаванне ствала будзе весціся ў інтэрвале адзнак ад мінус 40 м да мінус 187,1 м. Работы па праходцы ствалоў, якія выконвае персанал ГПУ-2 трэста, вядуцца кругласутачна.

Як паведамлялася раней, праходка клецявога ствала Дарасінскага рудніка - адзін з важнейшых этапаў пры будаўніцтве новых руднікоў. Па клецявым ствале ідзе дастаўка людзей і абсталявання ў шахту.

Рэсурсы Дарасінскага рудніка дазволяць прадоўжыць тэрмін службы 3-га рудаўпраўлення як мінімум на 50 гадоў. Праектная магутнасць рудніка складзе каля 8 млн т руды ў год з далейшым павелічэннем да 9 млн т.

Увод новай вытворчасці ў эксплуатацыю дасць магчымасць стварыць 840 новых рабочых месцаў.

ААТ "Беларуськалій" - адзін з буйнейшых вытворцаў і экспарцёраў калійных угнаенняў у свеце. У склад прадпрыемства ўваходзяць пяць рудаўпраўленняў, дапаможныя і абслуговыя падраздзяленні (транспартныя, энергетычныя, рамонтныя, будаўнічыя і інш.), а таксама падраздзяленні сацыяльнага і культурна-бытавога прызначэння.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі