Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

Беларуская АЭС дасць магчымасць забяспечыць трэць патрэбнасцей краіны ў электраэнергіі - Міхадзюк

Эканоміка 16.09.2019 | 19:55
Фота з архіва
Фота з архіва

16 верасня, Вена /Кар. БЕЛТА/. Беларуская АЭС дасць магчымасць забяспечыць трэць патрэбнасцей краіны ў электраэнергіі, заявіў намеснік міністра энергетыкі Беларусі Міхаіл Міхадзюк, выступаючы сёння на пленарным пасяджэнні 63-й сесіі Генеральнай канферэнцыі Міжнароднага агенцтва па атамнай энергіі (МАГАТЭ), перадае карэспандэнт БЕЛТА.

"Беларусь ужо зрабіла свой выбар на карысць развіцця нацыянальнай ядзерна-энергетычнай праграмы, рэалізацыя якой дасць магчымасць забяспечыць трэць патрэбнасцей краіны ў даступнай і надзейнай электраэнергіі, істотна скараціць выкіды парніковых газаў. Яна ўжо дала штуршок развіццю спадарожных галін і вытворчасцей, навуковых ведаў", - адзначыў Міхаіл Міхадзюк.

Паводле яго слоў, на першым блоку Беларускай АЭС пачаліся этапы перадпускавых аперацый, на другім - вядзецца мантаж асноўнага тэхналагічнага абсталявання. Намеснік міністра запэўніў, што для Беларусі пытанні ядзернай бяспекі і транспарэнтнасці маюць абсалютны прыярытэт пры рэалізацыі ядзерна-энергетычнай праграмы. "Гэтаму пытанню надаецца першараднае значэнне, актыўна выкарыстоўваюцца лепшыя сусветныя практыкі і ўвесь даступны замежны вопыт. Мы гатовы дзяліцца і дзелімся з усімі жадаючымі і ўласнымі напрацоўкамі. Пляцоўку АЭС пастаянна наведваюць многія замежныя дэлегацыі, спецыялісты і эксперты, у тым ліку з краін, якія пачалі або плануюць пачаць рэалізацыю сваіх ядзерна-энергетычных праграм, а таксама прадстаўнікі сродкаў масавай інфармацыі і грамадскіх арганізацый", - дадаў Міхаіл Міхадзюк.

Ён звярнуў увагу, што ўсё больш дзяржаў разглядаюць магчымасці выкарыстання ядзерных тэхналогій для забеспячэння сваёй энергетычнай бяспекі, дасягнення Мэт устойлівага развіцця і выканання амбіцыйных абавязацельстваў у адпаведнасці з Парыжскім пагадненнем па клімаце.

"У сувязі з гэтым лічым, што роля МАГАТЭ і яго аўтарытэт павінны і далей умацоўвацца па ўсіх напрамках статутнай дзейнасці, а міжнароднае супрацоўніцтва будавацца на аснове разумення агульнасці інтарэсаў ва ўстойлівым, усебаковым і бяспечным асваенні ядзерных тэхналогій, - падкрэсліў Міхаіл Міхадзюк. - Перакананы, што ядзерная бяспека павінна заставацца ў фокусе павышанай увагі, а ад вынікаў работы агенцтва ў гэтай сферы ў многім будзе залежаць давер міжнароднай супольнасці да мірнага атама".-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.