18 чэрвеня, Мінск /Аліна Грышкевіч - БЕЛТА/. Беларуска-кітайскі рэгіянальны форум 18 чэрвеня прайшоў у горадзе Хух-хота аўтаномнага раёна Унутраная Манголія Кітая. Аб гэтым карэспандэнту БЕЛТА паведамілі ў пасольстве Беларусі ў Пекіне.
На мерапрыемстве з прывітальнымі словамі выступілі Надзвычайны і Паўнамоцны Пасол Беларусі ў Кітаі Кірыл Руды і намеснік старшыні кітайскага аўтаномнага раёна Ай Ліхуа. Яны падкрэслілі важнасць далейшага развіцця эканамічных кантактаў і рэалізацыі сумесных праектаў.
Асобнымі прэзентацыямі быў прадстаўлены інвестыцыйны патэнцыял Гомельскай вобласці, беларускі прамысловы сектар, МТЗ, Гомельская мяса-малочная кампанія, ААТ "Спартак".
Напярэдадні, 17 чэрвеня, Гомельская вобласць і кітайскі аўтаномны раён Унутраная Манголія падпісалі праграму супрацоўніцтва на 2020 год.
Унутраная Манголія - аўтаномны раён на поўначы КНР, утвораны 2 снежня 1949 года.-0-