1 красавіка, Мінск /Кар. БЕЛТА/. ААТ "ААБ Беларусбанк" знізіла працэнтныя стаўкі па некаторых відах крэдытаў, паведамілі БЕЛТА ў аддзеле камунікацый Беларусбанка.
У лютым бягучага года Беларусбанк прапанаваў сваім кліентам новы прадукт - крэдыт "Іпатэка Экспрэс" на куплю жылых памяшканняў толькі пад заклад набываемага жылля тэрмінам да 20 гадоў з улікам норм указа нумар 130 "Аб іпатэчным жыллёвым крэдытаванні". Банк паведамляе, што стаўка па гэтым крэдыце складае 20 працэнтаў (стаўка рэфінансавання Нацбанка, павялічаная на 12,25 п.п.).
"Крэдыт прадастаўляецца на куплю жылых памяшканняў у памеры да 100 працэнтаў кошту набываемага жылля тэрмінам да 20 гадоў. Банк прымае рашэнне па заяўцы на крэдыт не пазней за наступны рабочы дзень пасля рэгістрацыі заявы-анкеты. Пагашэнне асноўнага доўгу пачынаецца з наступнага месяца пасля прадастаўлення крэдыту (часткі крэдыту), а пагашэнне працэнтаў ажыццяўляецца за фактычны час карыстання", - растлумачылі ў банку.
Акрамя таго, цяпер можна ўключыць у сукупны даход крэдытаатрымальніка і даходы яго блізкіх сваякоў, членаў сям'і (пры ўмове заключэння дагавора паручыцельства).
Для тых, хто плануе куплю аўтамабіля Geely, Беларусбанк прапануе новыя ўмовы па крэдыце "Альтэрнатыва". З 1 красавіка памер працэнтнай стаўкі ў першыя 1,5-3 гады крэдытавання зменшаны да 9,5 працэнта гадавых (стаўка рэфінансавання плюс 1,75 п.п.). Крэдыт прадастаўляецца на тэрмін да 7 гадоў з магчымасцю датэрміновага пагашэння.
Таксама банк зніжае да 20 працэнтаў гадавых працэнтныя стаўкі па новых спажывецкіх крэдытах тэрмінам да 5 гадоў , а пры падачы заяўкі праз каналы дыстанцыйнага банкаўскага абслугоўвання, перавагай якіх з'яўляецца магчымасць заключэння дагавора і атрымання крэдыту без наведвання банка, - да 19 працэнтаў гадавых.
Больш падрабязную інфармацыю па крэдытах можна атрымаць на сайце www.belarusbank.by або ў кантакт-цэнтры па тэлефоне 147.-0-
