Мабільная версія
ДЗЯРЖОРГАНЫ

Апошнія навіны
Усе навіны

"Беларусбанк" з 1 кастрычніка мяняе ўмовы зняцця наяўных грошай у банкаматах банка-партнёра

Эканоміка 03.09.2019 | 13:57
Фота з архіва
Фота з архіва

3 верасня, Мінск /Кар. БЕЛТА/. ААТ "ААБ Беларусбанк" з 1 кастрычніка 2019 года ўводзіць камісію за зняцце наяўных грашовых сродкаў па картках банка ў банкаматах ААТ "Белінвестбанк", паведамляе БЕЛТА са спасылкай на сайт банка.

"З названай даты за зняцце наяўных грашовых сродкаў па картках банка ў банкаматах ААТ "Белінвестбанк" будзе спаганяцца ўзнагарода ў памеры, устаноўленым па аперацыях у сетцы іншых банкаў Беларусі - 2,5 працэнта ад сумы (або мінімум 3 долары (еўра), 110 расійскіх рублёў, Br3)", - адзначылі ў банку.

Зняць наяўныя сродкі па картках "Беларусбанка" без камісіі па-ранейшаму можна ў сетцы банка і ў банкаматах банкаў-партнёраў - ААТ "БПБ-Ашчадбанк" і ААТ "Белаграпрамбанк".

Як паведамлялася, ААТ "ААБ Беларусбанк" з 1 жніўня павысіў памер узнагарод па аперацыях з выкарыстаннем картак фізічных асоб. Так, за зняцце наяўных сродкаў у банкаматах іншых банкаў трэба плаціць 2,5 працэнта ад сумы без уліку ўзнагароды іншых банкаў, за безнаяны плацеж па рэквізітах, пазначаных трымальнікам карткі ў каналах дыстанцыйнага абслугоўвання банка, - Br0,75 за кожны плацеж. За прагляд балансу па картцы ва ўстройствах іншых банкаў-рэзідэнтаў спаганяецца Br1 / 0,5 долара або еўра / 35 расійскіх рублёў; ва ўстройствах банкаў-нерэзідэнтаў - Br1,50 / 0,8 долара або еўра / 45 расійскіх рублёў. Зменены памеры ўзнагарод за абслугоўванне картак, перавыпуск у выпадку страты, выраб дублікатаў, блакіроўку міжнародных картак, за карыстанне паслугай смс-апавяшчэння па рахунках, адкрытых у замежнай валюце.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.