20 студзеня, Мінск /Кар. БЕЛТА/. ААТ "Беларусбанк" з 1 лютага мінулага года заключыла больш як 3,4 тыс. крэдытных дагавораў на суму больш за Br140 млн па прадукце "Іпатэка Экспрэс" на куплю жылых памяшканняў. Аб гэтым паведамілі БЕЛТА ў аддзеле камунікацый і рэкламы банка.
"Наш прадукт аказаўся запатрабаваным і лічбы сведчаць самі за сябе: з 10 крэдытаў на жыллё, якія афармляюцца ў Беларусі, 7 выдаюцца менавіта ў Беларусбанку", - адзначае намеснік старшыні праўлення банка Святлана Кажэкіна. Паводле яе інфармацыі, часцей за ўсё крэдыт афармляюць не на ўвесь кошт жылля, а толькі на недастатковую суму. Таму сярэдні памер крэдыту - каля Br42 тыс.
У мінулым годзе для павышэння даступнасці крэдыту банк таксама дазволіў уключаць у сукупны даход крэдытаатрымальніка даходы блізкіх сваякоў і членаў сям'і (пры ўмове заключэння дагавора паручыцельства).
Яшчэ адной важнай перавагай "Іпатэкі Экспрэс" Святлана Кажэкіна лічыць зручнасць і прастату афармлення. Кліент прыносіць пакет дакументаў і не пазней за наступны рабочы дзень ужо ведае рашэнне па сваёй заяўцы.
Крэдыт папулярны не толькі ў жыхароў Мінска і вобласці: амаль 50 працэнтаў заявак паступае ад прадстаўнікоў рэгіёнаў.
У Беларусбанку нагадалі, што выдаецца "Іпатэка Экспрэс" на тэрмін да 20 гадоў пад залог жылля, банк гатовы крэдытаваць да 100 працэнтаў кошту пакупкі (з улікам плацежаздольнасці заяўніка) пад 21 працэнт гадавых.-0-
