Фота з архіва
3 сакавіка, Мінск /Кар. БЕЛТА/. Беларусбанк аднавіў выдачу крэдытаў на спажывецкія патрэбы ў рамках крэдытнага канструктара тэрмінам да 5 гадоў, паведамляе БЕЛТА са спасылкай на сайт банка.
Падаць заяўку на крэдыт фізічным асобам можна як ва ўстанове банка, так і праз каналы дыстанцыйнага банкаўскага абслугоўвання (вэб-сайт банка, М-банкінг, кантакт-цэнтр, інфакіёск). Працэнтная стаўка па крэдыце ўстаноўлена з улікам ставак, якія склаліся ў банкаўскай сістэме, і складае 25 працэнтаў гадавых, 24 працэнты - пры падачы заяўкі ў названых дыстанцыйных каналах.
Асаблівыя ўмовы прадугледжаны па крэдытах для набыцця тавараў беларускіх вытворцаў, а таксама тавараў і паслуг у арганізацый гандлю (сэрвісу), якія з'яўляюцца партнёрамі банка.-0-
