Мабільная версія
ДЗЯРЖОРГАНЫ

Апошнія навіны
Усе навіны

Беларусь знаходзіцца сярод сусветных лідараў па вырошчванні льновалакна, жыта і журавін

Эканоміка 15.11.2019 | 18:03

15 лістапада, Мінск /Кар. БЕЛТА/. Беларусь знаходзіцца сярод сусветных лідараў па вырошчванні льновалакна, жыта і журавін. Такія даныя прыводзяцца ў аглядзе Белстата да Дня работнікаў сельскай гаспадаркі і перапрацоўчай прамысловасці, паведамляе БЕЛТА.

Паводле даных Харчовай і сельскагаспадарчай арганізацыі ААН, Беларусь знаходзілася на 3-м месцы ў свеце па аб'ёме вырошчвання (у фізічным выражэнні) ільновалакна, на 6-м месцы - жыта і замыкала топ-10 па вырошчванні журавін. Па аб'ёмах бульбы краіна на 11-м месцы ў свеце, па грэчцы - на 12-м радку, па цукровых бураках - на 14-м месцы. Акрамя таго, па вытворчасці клубніц Беларусь 15-я, аўса - на 16-м месцы.

Беларусь лідзіруе сярод краін СНД па вытворчасці на душу насельніцтва бульбы, цукровых буракоў, мяса і малака. Па сярэднедушавой вытворчасці яек Беларусь займае другое месца, збожжа і агародніны - пятае месца.

У 2018 годзе за мяжу было пастаўлена аграхарчовай прадукцыі на $5,3 млрд, што на 6,2 працэнта больш у параўнанні з папярэднім годам. Геаграфія паставак беларускай сельскагаспадарчай прадукцыі і прадуктаў харчавання налічвала 96 краін. На долю Расійскай Федэрацыі прыпадала каля 80 працэнтаў экспартных паставак аграхарчовай прадукцыі, Казахстана - 5,9 працэнта, Украіны - 2,3 працэнта, Літвы - 1,8 працэнта, Кітая - 1,6 працэнта.

Доля сельскагаспадарчай вытворчасці ў Беларусі складае каля 6-7 працэнтаў аб'ёму ВУП. У сельскагаспадарчым сектары працуе больш за 8 працэнтаў агульнай колькасці занятых у эканоміцы краіны. Аб'ём вытворчасці прадукцыі сельскай гаспадаркі ў гаспадарках усіх катэгорый у 2018 годзе склаў Br18,8 млрд.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.