Мабільная версія
ДЗЯРЖОРГАНЫ

Апошнія навіны
Усе навіны

Беларусь зацікаўлена ў стварэнні новых сумесных прадпрыемстваў з Казахстанам - Мясніковіч

Эканоміка 31.10.2018 | 11:03
У час сустрэчы
У час сустрэчы

31 кастрычніка, Мінск /Кар. БЕЛТА/. Беларусь зацікаўлена ў стварэнні новых сумесных прадпрыемстваў з Казахстанам, заявіў старшыня Савета Рэспублікі Міхаіл Мясніковіч на сустрэчы з парламенцкай дэлегацыяй Казахстана на чале са старшынёй Сената Касым-Жамартам Такаевым, перадае карэспандэнт БЕЛТА.

На думку Міхаіла Мясніковіча, тых сумесных зборачных вытворчасцей, якія функцыянуюць у Казахстане, недастаткова. "Можа, нам неабходны нейкія ўзаемныя меры дзяржаўнай падтрымкі, пэўныя прэферэнцыі, каб аказаць падтрымку на першым этапе", - сказаў старшыня Савета Рэспублікі. Ён дадаў, што гэта пытанне неабходна прапрацаваць.

Цяпер у Казахстане функцыянуюць восем сумесных зборачных вытворчасцей беларускай тэхнікі і абсталявання, у тым ліку вытворчасці ААТ "БелАЗ", ААТ "МТЗ", ААТ "Гомсельмаш", ААТ "МАЗ", ААТ "ККХ "Бабруйскаграмаш".

Старшыня Савета Рэспублікі адзначыў, што Беларусь і Казахстан павінны ў 2020 годзе выйсці на тавараабарот мінімум у памеры $1 млрд. Для дасягнення гэтай мэты трэба задзейнічаць патэнцыял міжрэгіянальнага супрацоўніцтва.

Міхаіл Мясніковіч таксама звярнуў увагу, што ў рэалізацыі ініцыятывы "Адзін пояс і адзін шлях" - магутнага, глабальнага праекта - Казахстан адыгрывае ключавую ролю. "У гэтым плане мы вельмі зацікаўлены ў тым, каб у пэўнай ступені прапрацоўваць паўночную ветку", - сказаў ён.

Бакі абмеркавалі пытанне парламенцкага вымярэння ў ЕАЭС. "Калі падпісваўся Дагавор аб Еўразійскім эканамічным саюзе, безумоўна, ён разглядаўся як эканамічны. Мінуў пэўны час, сфарміраваліся падыходы. Можа, ёсць сэнс падумаць аб увядзенні ў Дагавор і парламенцкага вымярэння, - адзначыў старшыня Савета Рэспублікі. - Нам трэба вельмі сур'ёзна працаваць над фарміраваннем адпаведнай нарматыўнай прававой базы, уніфікаваць і гарманізаваць заканадаўства, каб пазбегнуць розных бар'ераў і перашкод".

Паводле слоў Касым-Жамарта Такаева, супрацоўніцтва Беларусі і Казахстана з'яўляецца мадэллю для шэрага краін. "У нас няма агульнай граніцы, тым не менш гандаль выбудоўваецца даволі паспяхова. Я падтрымліваю задачу адносна дасягнення аб'ёму гандлю ў памеры $1 млрд, - сказаў ён. - Адзначаем рост экспарту беларускіх тавараў на казахстанскі рынак, лічым, што гэта станоўчая з'ява".

Старшыня Сената Парламента дадаў, што прадукцыя машынабудаўнічай індустрыі, лёгкай прамысловасці, мэбля з Беларусі карыстаюцца вялікім попытам сярод казахстанскіх спажыўцоў. Разам з тым, на яго думку, магчымасці гандлю гэтым не вычэрпваюцца. Трэба знаходзіць новыя шляхі супрацоўніцтва.

Бакі таксама выказалі ўзаемную ўдзячнасць за ўвагу да этнічных беларусаў і казахстанцаў, якія пражываюць і працуюць на тэрыторыях Казахстана і Беларусі.

Па выніках 2017 года тавараабарот Беларусі і Казахстана склаў $690,8 млн і павялічыўся ў параўнанні з 2016 годам на 64,8 працэнта. У студзені - жніўні 2018 года тавараабарот склаў $610,5 млн і павялічыўся ў параўнанні з аналагічным перыядам 2017 года на 44 працэнты. Беларускі экспарт за гэты перыяд склаў $539,2 млн (павялічыўся на 45,8 працэнта), імпарт - $71,3 млн (рост на 31,3 працэнта).-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Хто часцей за ўсё наведвае Беларусь па бязвізавым рэжыме Паводле даных на 29 лістапада, магчымасцямі 30-дзённага бязвізавага знаходжання ў Беларусі скарысталіся амаль 179 тыс. грамадзян розных краін.