29 красавіка, Чачэрск /Кар. БЕЛТА/. Беларусь за студзень-сакавік экспартавала прадуктаў харчавання на $1,8 млрд. Такія лічбы агучыў міністр сельскай гаспадаркі і харчавання Ігар Брыло ў час рабочай паездкі Прэзідэнта Беларусі Аляксандра Лукашэнкі ў Чачэрскі раён, перадае карэспандэнт БЕЛТА.
Паводле слоў міністра, гэтыя лічбы на 23 працэнты вышэйшыя ў параўнанні з аналагічным перыядам мінулага года.
У прыватнасці, мяса і мясной прадукцыі экспартавана амаль на $320 млн, малака і малочных прадуктаў - на $744 млн.-0-
