Сцяг Аўторак, 23 красавіка 2024
Усе навіны
Усе навіны
Эканоміка
30 мая 2019, 17:36

Беларусь з 1 чэрвеня павышае экспартныя пошліны на нафту і нафтапрадукты

30 мая, Мінск /Кар. БЕЛТА/. Беларусь з 1 чэрвеня павышае экспартныя пошліны на нафту і нафтапрадукты, вывозімыя за межы мытнай тэрыторыі Еўразійскага эканамічнага саюза. Адпаведнае рашэнне змешчана ў пастанове Савета Міністраў ад 30 мая 2019 года нумар 342, паведамляе БЕЛТА са спасылкай на Нацыянальны прававы інтэрнэт-партал.

Згодна з дакументам стаўка экспартнай пошліны на сырую нафту будзе павышана з $104,6 да $110,4 за 1 т.

Пошліна на прамагонны бензін вырасце з $57,5 да $60,7 за 1 т, на таварныя бензіны - з $31,3 да $33,1 за 1 т.

Пошліна на лёгкія, сярэднія дыстыляты таксама складзе $33,1 за 1 т (была $31,3). Такая ж пошліна ўстаноўлена адносна дызельнага паліва, бензолу, талуолу, ксілолаў, змазачных і іншых масел (была $31,3).

Папярэдні раз стаўкі вывазных мытных пошлін адносна сырой нафты і асобных катэгорый тавараў, выпрацаваных з нафты, змяняліся 1 мая. Тады яны таксама былі павышаны.-0-

Падпісвайцеся на нас у
Twitter
Топ-навіны
Свежыя навіны Беларусі